Kór eldri borgara í Fjallabyggð söng fyrir gesti
Í gær voru á ferðinni góðir gestir frá Eidi í Færeyjum sem er vinabær Siglufjarðar. Um var að ræða hóp eldri borgara af sambýli í Eidi ásamt starfsfólki. Hópurinn hefur dvalið á Akureyri frá 6. maí og í gær skruppu þau dagsferð til Siglufjarðar. Heimsóttu þau Síldarminjasafnið og Skálarhlíð þar sem þau fengu að kynnast starfsemi dagþjónustunnar. Félag eldri borgara á Siglufirði tók þátt í því að taka á móti hópnum og stóð félagið fyrir smá skemmtun og var boðið upp á tónlist og söng. Kór eldri borgara í Fjallabyggð söng m.a. fyrir hópinn. Hluti af hópnum hefur komið nokkrum sinni til Siglufjarðar bæði sem sjómenn og einhverjir til að keppa í knattspyrnu og handbolta á sínum yngri árum. Færeyingarnir voru mjög ánægðir með góðar móttökur og afhentu þau formanni bæjarráðs, formanni félags eldri borgara og forstöðumanni dagþjónustunnar gjafir í þakklætisskyni.
![Heimsókn frá Færeyjum Heimsókn frá Færeyjum](/static/files/2015/myndir_heimasida/heimsokn_fra_faereyjum1.jpg)
Þessir herramenn tóku á tal saman og rifjuðu upp gamla tíma.
![Heimsókn frá Færeyjum Heimsókn frá Færeyjum](/static/files/2015/myndir_heimasida/heimsokn_fra_faereyjum_hljomsveit.jpg)
Sprækir tónlistarmenn léku fyrir gesti.
![Heimsókn frá Færeyjum Heimsókn frá Færeyjum](/static/files/2015/myndir_heimasida/heimsokn_fra_faereyjum_dans.jpg)
Að sjálfsögðu var stiginn dans.
![Heimsókn frá Færeyjum Heimsókn frá Færeyjum](/static/files/2015/myndir_heimasida/heimsokn_fra_faereyjum_gjafir.jpg)
Steinunn María Sveinsdóttir, formaður bæjarráðs, Helga Hermannsdóttir forstöðumaður dagþjónustu
og Sverrir Sveinsson formaður félags eldri borgara á Siglufirði taka á móti gjöfum.