Skemmtiferðaskipið Ocean Diamond kom til Siglufjarðar í morgun mánudaginn 14. maí og er það fyrsta skemmtiferðaskip sumarsins.
Skipið er á 10 daga siglingu um landið. Um borð eru um 130 farþegar. Skipið stoppaði hér frá kl. 8:00-13:00 og var Síldarminjasafnið meðal annars heimsótt. Alls er von á 42 skipakomum til Siglufjarðar í sumar en þær voru 35 sumarið 2017.
Ocean Diamond er aftur væntanlegt þann 23. maí nk. og verður það önnur skipakoman til Siglufjarðar í sumar.
Hægt er að fylgjast með komum skemmtiferðaskipa sumarið 2018 í viðburðardagatali Port of Siglufjörður.