Fréttatilkynning vegna fyrirhugaðra verkfalla aðildarfélaga BSRB mánudaginn 9. mars og þriðjudaginn 10. mars

Skrifstofa Fjallabyggðar

Þrír starfsmenn í verkfalli.

Áhrif á starfsemi: Símsvörun og afgreiðsla í móttöku verður skert, ekki verða bókaðir eða gefnir út reikningar þessa daga sem verkfall stendur yfir.  

Grunnskóli Fjallabyggðar

Skólarúta: Allir gæsluaðilar í skólarútu (rútuliðar) eru í verkfalli.

Áhrif á starfsemi: Skólarúta ekur samkvæmt áætlun þar sem kennsla er í MTR en þar sem engin gæsla er í rútunni ekur hún ekki grunnskólabörnum milli skólahúsa. Þar af leiðandi þurfa foreldrar að koma börnum sínum til og frá skólahúsi.

Starfstöð við Tjarnarstíg Ólafsfirði:

Allir skólaliðar í verkfalli. Allir stuðningsfulltrúar í verkfalli fyrir utan einn. Þar af leiðandi engin starfsmaður við gæslu í skólanum, þrif né vinnu í matsal.

Áhrif á starfsemi: Engin kennsla verður í starfsstöðinni við Tjarnarstíg á verkfallsdögum en þó munu nemendur 9. bekkjar mæta til að taka samræmt próf þriðjudaginn 10. mars á uppgefnum prófatíma. Foreldrar eru beðnir um að koma börnum sínum til og frá prófstað.

Nánari útfærsla verður send á foreldra nemenda á starfsstöðinni við Tjarnarstíg í gegnum Mentor.

Starfsstöð við Norðurgötu Siglufirði:

Hluti starfsmanna í verkfalli og því verður skert starfsemi í starfsstöðinni við Norðurgötu.

Skólaritari verður í verkfalli og því má búast við að símsvörun verði skert svo og annað utanumhald sem ritari sinnir daglega.

Hluti stuðningsfulltrúa verður í verkfalli og mun stuðningur sem þeir sinna falla niður og starfsemi Frístundar og Lengdrar viðveru verður skert. Hluti skólaliða er í verkfalli og því verður ræsting skólahúss og gæsla skert en nægileg til að halda skólastarfi gangandi þessa daga. Boðið verður upp á skólamat þessa daga.

Sundkennsla fellur niður þessa daga þar sem íþróttamiðstöð verður lokuð.

Nánari upplýsingar um áhrif verkfallsins og skerðingar á þjónustu verða sendar til foreldra með tölvupósti gegnum Mentor.

Frístund/lengd viðvera

Íþróttahús lokað þ.a.l. verða engar íþróttaæfingar þar.

Mánudagur:
Íþróttaskóli Glói 1.-2. bekkur; íþróttasalur Norðurgötu. Óbreytt starfsemi.
Badminton TBS  3.-4. bekkur; íþróttahús lokað. Tímar falla niður.
Kór TÁT  1.-4. bekkur;  óbreytt starfsemi.
Hringekja 1.-4. bekkur: 2 starfsmenn í verkfalli, 2 starfsmenn við störf og því skert starfsemi. Þeir nemendur sem eru í lengdri viðveru eftir Frístund ganga fyrir í Hringekju ásamt nemendum  sem eru skráðir í Hringekju úr 1. og 2. bekk en fara ekki í lengda viðveru.

Þriðjudagur:
Jazzskóli 1.-2. Bekkur;  íþróttasalur Norðurgötu. Óbreytt starfsemi.
Sund; Sundlaug lokuð. Tímar falla niður.
Blak 1.-4. Bekkur; BF – íþróttahús lokað. Tímar falla niður.
Hringekja 1.-4. bekkur: 2 starfsmenn í verkfalli, 2 starfsmenn við störf og því skert starfsemi. Þeir nemendur sem eru í lengdri viðveru á eftir Frístund ganga fyrir í Hringekju ásamt nemendum  sem eru skráðir í Hringekju úr 1. og 2. bekk en fara ekki í lengda viðveru.

Tölvupóstur með nánari upplýsingum verður sendur til foreldra gengum Mentor.

Lengd viðvera:

Mánudagur: 2 starfsmenn í verkfalli og 2 starfsmenn í vinnu. Skert starfsemi. Börn sem eru í Hringekju, kór, tónlistartímum og íþróttaskóla Glóa í Frístund OG eru einnig skráð í lengda viðveru fá þjónustu lengdrar viðveru.

Þriðjudagur: 2 starfsmenn í verkfalli og 2 starfsmenn í vinnu. Skert starfsemi. Börn sem eru í Hringekju, jazzskóla og tónlistartímum í Frístund OG eru einnig skráð í lengda viðveru fá þjónustu lengdrar viðveru.

Tölvupóstur með nánari upplýsingum verður sendur til foreldra gengum Mentor.

Íþróttamiðstöð Fjallabyggðar

Allir starfsmenn Íþróttamiðstöðva Fjallabyggðar að undanskildum einum starfsmanni verða í verkfalli.

Áhrif á starfsemi: Báðar starfsstöðvar íþróttamiðstöðva verða lokaðar þessa daga.

Bóka- og héraðsskjalasafn Fjallabyggðar

Allir starfsmenn Bóka- og héraðsskjalasafns að forstöðukonu undanskilinni eru í verkfalli.

Áhrif á starfsemi: 
Mánudagur: Bókasafnið Siglufirði  - Opið frá 13.00-17.00. Bókasafnið Ólafsfirði -  LOKAÐ.
Þriðjudagur: Bókasafnið Siglufirði -  LOKAÐ. Bókasafnið Ólafsfirði - Opið frá 13:00 - 17:00, með fyrirfara um færð og veður.

Leikskóli Fjallabyggðar

Leikskálar

Hluti starfsmanna í verkfalli. Starfsemi skert, ein deild lokuð.

Áhrif á starfsemi: Nautaskál: Einn starfsmaður í verkfalli, 4 börn heima hverju sinni.

Hvanneyrarskál: Eðlileg starfsemi.
Skollaskál: Deildarstjóri í verkfalli, deildin lokuð.
Selskál:  Einn starfsmaður í verkfalli, 3 - 4 börn heima hverju sinni.
Núpaskál: Eðlileg starfsemi.

Stjórnendur senda tölvupóst eða tilkynningar til foreldra með nánari upplýsingum.

Leikhólar

Hluti starfsmanna í verkfalli. Starfsemi skert. Ein deild lokuð fyrir hádegi og önnur eftir hádegi. Matráður í verkfalli. Enginn matur í boði.

Áhrif á starfsemi:

Álfhóll: Einn starfsmaður í verkfalli. Deildin opin fyrir hádegi. Fjögur börn heima hverju sinni. Enginn matur.
Hulduhóll: Tveir starfsmenn og afleysing í verkfalli. Helmingur barna verður fyrir hádegi 8:00-12:00 og helmingur eftir hádegi 12:00-15:00.  Enginn matur.
Tröllahóll: Deildarstjóri fyrir hádegi í verkfalli, deildin lokuð fyrir hádegi. Opið 12:00-15:00 fyrir hálfa deildina 10 börn á mánudag og hin 10 börnin á þriðjudag. Enginn matur.

Stjórnendur senda tölvupóst eða tilkynningar til foreldra með nánari upplýsingum.

Tónlistarskólinn á Tröllaskaga

Áhrif á starfsemi: Starfsemi/kennsla óbreytt en þrif falla niður í húsnæði tónlistarskólans í Ólafsfirði.

Tjarnarborg

Umsjónarmaður í verkfalli.

Áhrif á starfsemi: Tjarnarborg lokuð, engin starfsemi né viðburðir á meðan að verkfalli stendur. 

Félagsþjónusta

Áhrif á starfsemi:

Ólafsfjörður: Heimaþjónusta, liðveisla/stoðþjónusta og félagsstarf aldraðra fellur niður og ekki verður unnt að þjónusta með heimsendann mat.
Siglufjörður: Starfsemi óbreytt.

Fjallabyggðarhafnir

Hafnarvörður í verkfalli, yfirhafnarvörður við störf.

Áhrif á starfsemi: Skert þjónusta.

Þjónustumiðstöð

Tveir starfsmenn í verkfalli.

Áhrif á starfsemi: Skert þjónusta.