Framúrskarandi ungur íslendingur

Veist þú um einhvern einstakling á aldrinum 18- 40 ára í þínu nærumhverfi sem á skilið viðurkenningu fyrir sitt ötula starf? Einhver sem er að takast við krefjandi og athyglisverð verkefni? En hefur ekki enn ekki fengið viðurkenningu?

Því ekki að tilnefna viðkomandi og aldrei að vita hvort sá hin sami bætist í góðan hóp af framúrskarandi fólki. Opið er fyrir tilnefningar á www.framurskarandi.is og síðasti dagur til að tilnefna er 10 nóvember.

Sérstök dómnefnd fer svo yfir tilnefningar og velur 10 framúrskarandi einstaklinga sem hljóta viðurkenningu. Einn þessara einstaklinga hlýtur svo verðlaunin Framúrskarandi ungur Íslendingur 2024, sem forseti Íslands Halla Tómasdóttir veitir við hátíðlega athöfn þann 4. desember næstkomandi. Í Sykursalnum í Grósku.

Með þessum viðburði erum við að heiðra ungt fólk á aldrinum 18-40 ára, fyrir það sem þau eru að gera. Þau eru fyrst og fremst hvatningarverðlaun til ungs fólks, sem er að takast á við krefjandi og athyglisverð verkefni. Samfélaginu og okkur öllum til góðs. Þetta unga fólk kemur til með að hafa áhrif í framtíðinni.