Framkvæmdasjóður ferðamannastaða auglýsir eftir umsóknum

Framkvæmdasjóður ferðamannastaða fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.

Sjóðnum er heimilt að fjármagna framkvæmdir er snúa að:

• Öryggi ferðamanna.
• Náttúruvernd og uppbyggingu.
• Viðhaldi og verndun mannvirkja og náttúru.
• Fjármögnun undirbúnings- og hönnunarvinnu sem er nauðsynleg vegna áðurgreindra framkvæmda.

Hins vegar er sjóðnum ekki heimilt m.a. að:

• Að bera rekstrarkostnað af mannvirkjum og vegna náttúruverndarsvæða eða annarra ferðamannastaða.
• Að fjármagna framkvæmdir sem eru á landsáætlun um uppbyggingu innviða til verndar náttúru
• og menningarsögulegum minjum.
• Að veita fjármagni til verkefna sem þegar er lokið.

Umsóknarferlið

Ýtarlega er farið yfir umsóknarferlið og þau skilyrði sem þarf að uppfylla á sérstakri umsóknarsíðu hér á vefnum en sjálft umsóknarformið er á island.is. Meðal annars kemur fram að umsóknir geta fallið í annan eftirfarandi flokka eftir eðli verkefnisins:

• I - Þjónusta/aðstaða á ferðamannastað eða ferðamannaleið:

• II - Úrbætur vegna náttúruverndar og/eða öryggis á ferðamannastað eða ferðamannaleið:

Mikilvægt að vanda umsóknir

Væntanlegir umsækjendur eru hvattir til að kynna sér vel  þau lög sem gilda um Framkvæmdasjóð ferðamannastaða nr. 75/2011 og reglugerð nr. 782/2017 og vanda umsóknir sínar í hvívetna. Umsækjendum er bent á að kynna sér vel gæðaviðmið sjóðsins sbr. gæðamatsblað ásamt ýmsum frekari upplýsingum sem finna má á umsóknarsíðu. 

Opna umsóknarsíðu