Menningarráð Eyþings auglýsir eftir umsóknum um styrki á grundvelli samnings menntamálaráðuneytisins og samgönguráðuneytis við Eyþing frá 27. apríl 2007. Tilgangur styrkjanna er að efla menningarstarfsemi og menningartengda ferðaþjónustu á svæði Eyþings.
Menningarráð Eyþings hefur ákveðið að árið 2007 hafi þau verkefni forgang sem uppfylla eitt eða fleiri eftirtalinna atriða:
- Áherslu á vetrartímann (vetrarmenningu og vetrarlist).
- Samstarf
yfir vetrartímann milli tveggja eða fleiri aðila, byggðarlaga eða
listgreina og uppsetning viðburða á fleiri en einum stað.
- Nýsköpun á sviði lista og menningarstarfs.
- Skapandi starf fyrir börn og unglinga.
Umsóknarfrestur
er til og með 31. október. Útlutun fer fram í nóvember. Nánari
upplýsingar ásamt úthlutunarreglum má finna á heimasíðu Eyþings
www.eything.is.
Umsóknum skal skilað til Menningarráðs Eyþings á þar
til gerðum eyðublöðum sem nálgast má á heimasíðu Eyþings,
www.eything.is eða hjá Menningarfulltrúa Eyþings, Strandgötu 29, 3.
hæð, Akureyri.
Allar nánari upplýsingar veitir Ragnheiður Jóna
Ingimarsdóttir menningarfulltrúi í síma 464 9935 og 862 2277 eða á
netfangið menning@eything.is.
