Deiliskipulag suðurbæjar Siglufjarðar

Tillaga að deiliskipulagi suðurbæjar Siglufjarðar

Bæjarstjórn Fjallabyggðar samþykkti þann 4. október 2023 að auglýsa tillögu að deiliskipulagi suðurbæjar Siglufjarðar skv. 1. mgr. 41. gr. skipulagslaga nr. 123/2010. Lóðirnar Suðurgata 54, Suðurgata 57, Laugarvegur 12 og 13 og Hafnargata 30 marka skipulagsmörk í norður átt. Lóðirnar eru innan afmörkunarinnar. Í vestur liggja skipulagsmörkin að deiliskipulagi snjóflóðavarna og að deiliskipulagi Snorragötu austan megin. Í suður liggja mörkin með Norðurtúni og aðliggjandi deiliskipulagi við Eyrarflöt. Lóðirnar við Norðurtún 1-23 teljast innan þessara skipulagsmarka. Tilgangur deiliskipulagsins er að ná óbyggðum lóðum inn í skipulag með skilmálum fyrir nýbyggingar. Markmiðið er að halda í yfirbragð byggðarinnar þannig að nýbyggingar verði hluti af núverandi heild.

Nánari upplýsingar eru á skipulagsgátt Skipulagsstofnunar.

____________________________________________________________________________

Tillaga að nýju deiliskipulagi liggur frammi á upplýsingatöflu á 3.hæð Ráðhúss Fjallabyggðar við Gránugötu 24 á Siglufirði og á nýjum vef Skipulagsstofnunar, www.skipulagsgatt.is.  

Frestur til að skila inn athugasemdum er frá 19. október til og með 1. desember 2023. Eingöngu er tekið við athugasemdum og ábendingum á rafrænan hátt í gegnum skipulagsgátt, beinn hlekkur inn á málið er HÉR.  Hægt er að óska eftir nánari leiðbeiningum hjá skipulagsfulltrúa í gegnum netfangið iris@fjallabyggd.is.

Skipulagsfulltrúi Fjallabyggðar

Deiliskipulagsuppdráttur

Greinargerð