Vakin er athygli á að tilkynningar um breytingar á lögheimili þurfa að berast Þjóðskrá Íslands eigi síðar en fimmtudaginn
11. desember svo unnt sé að tryggja að einstaklingar séu rétt skráðir í íbúaskrá miðað við 1. desember þessa
árs.
Æskilegt er að tilkynningar berist jafnt og þétt fyrstu vikuna í desember.
Sérstök athygli er vakin á því að einstaklingar geta tilkynnt flutning á vef Þjóðskrár Íslands,
www.skra.is. Ef lögheimilisflutningur er tilkynntur rafrænt þá fer tilkynningin
sjálfkrafa í beiðnakerfi Þjóðskrár Íslands og er skráður eigi síðar en næsta virka dag. Hátt í 50%
lögheimilistilkynninga berast nú rafrænt til skráningar og hefur stofnunin fjarlægt eyðublöð af vefnum til þess að ná enn betri
árangri í rafrænum skilum.