Bæjarstjóraheimsókn

Dalvíkurbyggðar og Fjallabyggðar að halda fundinn í ár. Í gær, fimmtudag, voru bæjarstjórarnir í Dalvíkurbyggð og fengu kynningu á starfsemi sveitarfélagsins og í dag hafa þeir heimsótt Fjallabyggð.

Heimsóknin hófst í morgun með kynningu á starfsemi Tónskóla Fjallabyggðar og Menningarhússins Tjarnarborgar. Þar tóku á móti þeim Anna María Guðlaugsdóttir, forstöðumaður Tjarnarborgar og Magnús G. Ólafsson skólastjóri tónskólans auk þess sem þrír nemendur tónskólans léku fyrir gesti.  Því næst var Menntaskólinn á Tröllaskaga heimsóttur og þar fengu gestirnir m.a. að hlýða á nemendur af starfsbraut flytja lag og því næst fræddi Lára Stefánsdóttir skólameistari þá um starfsemi skólans. 

Að þeirri heimsókn lokinni var haldið yfir á Siglufjörð þar sem gestirnir fengu m.a. kynningu á starfsemi Rauðku ehf. Bæjarskrifstofan var heimsótt og að endingu var farið í Þjóðlagasetrið og á Síldarminjasafnið.  Í kvöld munu svo gestirnir snæða á veitingastaðnum Hannes Boy.

Í Tjarnarborg fengu gestirnir kynningu á starfsemi Tjarnarborgar og Tónskóla Fjallabyggðar. Gestirnir gátu um leið notið bútasaumssýningarinnar sem er í Tjarnarborg.

Nemendur á starfsbraut MTR sungu og spiluðu fyrir gesti.

Finnur Ingvi Kristinsson sá um kynningu á starfsemi Rauðku ehf.