Allir lesa - úrslit liggja fyrir

- Á fjórum vikum skráðu 4.236 einstaklingar í 326 liðum lestur upp á um 70.000 klukkustundir. 

- Heildarlesturinn samsvarar um átta árum af samfelldum lestri. 

- Íslandsmeistarar í lestri lásu í yfir 5 sólarhringa að meðaltali á keppnistímanum.

- Tvö sigurlið koma úr Reykjanesbæ. 

- Vestmannaeyingar lásu mest allra sveitarfélaga. 

- Konur lásu þrisvar sinnum meira en karlar. 

- Börn undir 15 ára lásu langmest. 

Fyrir fjórum vikum hleyptu Miðstöð íslenskra bókmennta og Reykjavík Bókmenntaborg UNESCO af stokkunum landsleik í lestri á nýjum lestrarvef, allirlesa.is – og er hann sá fyrsti sinnar tegundar í heiminum. 

Á degi íslenskrar tungu (16. nóvember), lauk landsleiknum, þar sem hópar af öllum stærðum og gerðum lásu til sigurs. Á keppnistímanum hafa hrannast inn spennandi tölur um lestur þátttakenda í Allir lesa, og í pdf skjalinu hér er það helsta tíundað. 

Fjallabyggð varð í 40. sæti í flokki sveitarfélaga með meðallestur upp á 5,2 klst.  Vestmannaeyingar lásu mest allra og var meðallestur þeirra 21,8 klst.

Allar nánari upplýsingar um keppnina og niðurstöður má finna á heimasíðu landsleiksins, www.allirlesa.is