Ágætu bæjarbúar.
Hönnuður á vegum Vegagerðar ríkisins hefur verið að vinna að tillögum við uppsetningu á stöðum fyrir biðskýli fyrir
nemendur og farþega við þjóðveg bæjarfélagsins þ.e. við Snorragötu og Hvanneyrarbraut á Siglufirði sem og við Aðalgötu
í Ólafsfirði.
Hönnunin byggist á umferðaröryggisáætlun sem nú er í smíðum og tengist m.a. ferðum farþega á milli
Ólafsfjarðar og Siglufjarðar. Verkefnið er samstarfsverkefni Vegagerðar og Fjallabyggðar.
Vegna veikinda og sumarleyfa þá hefur þessi hönnun dregist og þar með hefur ekki verið hægt að ráðast í framkvæmdir við
þessi umferðar og öryggismannvirki.
Skólastjórnendur grunnskólans hafa ákveðið að biðstöðvar fyrir skólabíl verði aðeins við skólalóðir
gunnskólans þ.e. við Hlíðarveg og Norðurgötu á Siglufirði og við Tjarnarstíg í Ólafsfirði þar til
umræddar biðstöðvar verða tilbúnar.
Skólabillinn mun hinsvegar stöðva á torginu á Siglufirði til að taka upp og láta frá sér aðra farþega.
Tæknideild Fjallabyggðar mun hraða afgreiðslu þeirra tillagna þegar þær berast sem eru forsenda þess að framkvæmdir geta hafist.
Ætlunin er að þessum framkvæmdum verði að fullu lokið eigi síðar en í nóvember 2012.
Skólastjórnendur
Formaður fræðslunefndar
Forstöðumaður Tæknideildar
Bæjarstjóri
