Ætlar bæjarstjórnin ekkert að gera?!

Íbúafundir framundan Fjallabyggð stendur frammi fyrir þeirri áskorun að nýta þau tækifæri sem munu skapast við opnun Héðinsfjarðarganga og styrkja atvinnulífið á svæðinu.

Bæjarstjórn...
...vill skapa skilyrði sem stuðla að frumkvæði, nýsköpun og áræðni meðal íbúa
...vill gera allt sem í hennar valdi stendur, þ.m.t. að vinna að hagsmunum sveitarfélagsins gagnvart ríkinu
...hefur þegar hafið viðræður á vettvangi ríkis og stofnana um leiðir til að efla atvinnulífið
...lítur á þetta sem samstarfsverkefni hennar, íbúa, fyrirtækja, félagasamtaka og stofnana
...þarf að vita hvert íbúar vilja stefna og hverju þarf að breyta
...vill virkja frumkvæði heimamanna svo við getum með réttu sagt: ,,Fjallabyggð er frumkvöðull"

Nú snúum við vörn í sókn. Fyrsta skrefið eru almennir íbúafundir sem haldnir verða:

• Í Siglufirði mánudagskvöldið 17. september
• Í Ólafsfirði þriðjudagskvöldið 18. september.

Umsjón með fundinum verður í höndum ráðgjafarfyrirtækisins Alta sem stýrt hefur íbúaþingum víða um land. Á fundina mætir einnig fulltrúi frá Nýsköpunarmiðstöð Íslands.

Í vikunni fyrir fundina verður sent dreifibréf á öll heimili í Fjallabyggð með nánari upplýsingum.

Bæjarstjóri