17. júní hátíðarhöld í Fjallabyggð

Samkvæmt venju verður hátíðarstund við minnisvarða sr. Bjarna Þorsteinssonar á Siglufirði kl. 11:00. Sigurður Valur Ásbjarnarson bæjarstjóri flytur ávarp og nýstúdent, Kristín Gunnþóra Oddsdóttir, mun leggja blómsveig á leiðið. Kirkjukór Siglufjarðar mun jafnframt syngja við athöfnina.

Kl. 13:00 verður knattspyrnuleikur yngstu iðkenda KF á sparkvellinum í Ólafsfirði og kl. 14:00 hefst hátíðardagskrá við Menningarhúsið Tjarnarborg. Þar mun Sigurður Valur Ásbjarnarson bæjarstjóri flytja hátíðarræðu. Boðið verður upp á fjölbreytt tónlistaratriði auk þess sem félagar í Leikfélagi Fjallabyggðar munu bregða á leik. Leiktæki verða fyrir yngstu börnin og svo kl. 16:00 verður opnað í stærstu vatnsrennibraut landsins auk þess sem börnum gefst tækifæri á að fara á hestbak.

Boðið verður upp á ókeypis rútuferðir á milli byggðarkjarna og verða þær sem hér segir:

Frá Ráðhústorginu á Siglufirði; kl. 12:30 og 13:30

Frá íþróttamiðstöðinni Ólafsfirði; kl. 16:00 og 17:00

Það er fræðslu- og menningarnefnd slökkviliðsins í Ólafsfirði sem hefur skipulagt dagskránna í ár.

Smellið á myndina til að nálgast pdf-útgáfu af dagskránni.