Ungmennaráð Fjallabyggðar

Fjallað var um afþreyingu unglinga í Fjallabyggð og komu ýmsar hugmyndir varðandi þennan lið.
Hugmyndir um bíó einu sinni til tvisvar í viku. Fjölbreyttara íþróttaval. Blak, körfubolti, dans fyrir unglinga. Að leikfélagið taki tillit til unglinga við val á leikverkum.
Ungmennaráð leggur til að sundkort verði lækkuð til unglinga í Fjallabyggð svo að þeir fari að mæta í sund.

Íþrótta-og tómstundafulltrúi upplýsti fundarmenn um hvað hefði verið gert til að fá húsnæði fyrir félagsmiðstöð.
Fundarmenn voru sammála um að finna yrði framtíðarhúsnæði undir félagsmiðstöð og bentu á Listhúsið í Ólafsfirði sem er til sölu.
Þar væri komið framtíðarhúsnæði fyrir alla aldurshópa og þá yrði félagsmiðstöðin eingöngu í Ólafsfirði.
Nefndarmönnum finnst að það mætti kaupa leikjatölvur, spil og sófa.

Fjallað var um kvikmyndasýningar í Menningarhúsinu Tjarnarborg og voru nefndarmenn sammála um að skora á bæjaryfirvöld að hefja sýningar á kvikmyndum einu til tvisvar sinnum í viku.
Rútuferðir til og frá Siglufirði verði samræmdar við sýningar.

Ungmennaráð bendir á að lagfæra þarf tækin í ræktinni og gera ráð fyrir endurnýjun tækja að einhverju leyti í fjárhagsáætlun.

Formaður benti á að við eigum reiðskemmur, sem hægt væri að nota fyrir reiðnámskeið t.d. í samstarfi við hestamannafélögin.
Ungmennaráð skorar á hestamannafélögin að bjóða upp á reiðnámskeið fyrir börn og unglinga yfir vetrartímann.

Íþrótta-og tómstundafulltrúi kynnti tillögur A og B. Ungmennaráð lýsir ánægju sinni með tillögu A og bendir á að sama ástand er á tækjum í ræktinni í Ólafsfirði og á Siglufirði.

Íþrótta-og tómstundafulltrúi kynnti bréf frá UMFÍ þar sem farið er fram á tilnefningar í Ungmennaráð UMFÍ af hálfu aðildarfélaga.
Íþrótta-og tómstundafulltrúa falið að kanna kostnað sem gæti orðið af ferðum viðkomandi.
Formaður, Haukur Orri Kristjánsson er tilbúinn að gefa kost á sér í Ungmennaráð UMFÍ.