Ungmennaráð Fjallabyggðar

Ungmennaráð kaus formann ráðsins og er Víkingur Ólfjörð Daníelsson formaður og Alex Helgi Óskarsson varaformaður.
Deildarstjóri fræðslu-, frístunda- og menningarmála fór yfir samþykktir fyrir ungmennaráð með fundarmönnum.

Farið yfir 30 hugmyndir til að virkja samfélagið frá Þorgrími Þráinssyni.
Ungmennaráði líst vel á margar af þessum hugmyndum og t.d. mundi ráðið vilja sjá sveitarfélagið gera börnum og ungmennum kleift að rækta matjurtir yfir sumartímann með þar til gerðum matjurtagörðum / skólagörðum.
Einnig ræddi ráðið um hvatningu til betri heilsu og hreyfingar ungmenna og telur að með betri aðstöðu í líkamsræktum Fjallabyggðar sé hægt að efla áhuga ungmenna og almennings til heilsuræktar. Einnig mætti efla fræðslu um heilsu og næringu.
Ýmislegt annað varðandi nám og félagslega þætti rætt.

Erindið lagt fram til kynningar. Ungmennaráð er sammála um að heppilegasta leiðin til að nálgast börn og unglinga með kynningar sé á stafrænu formi s.s. með myndbandskynningum. Einnig er ráðið sammála því að mikilvægt sé að hafa börn og ungmenni með í ráðum þegar fjallað er um málefni sem varðar þau svo og stefnumótun og breytingar.