Stýrihópur Heilsueflandi samfélags

Heilsueflandi Fjallabyggð hélt nuddboltanámskeið í desember bæði í Ólafsfirði og á Siglufirði og var námskeiðið ágætlega sótt. Þátttakendur voru ánægðir með námskeiðið.
Stýrihópurinn hefur áhuga á að bjóða upp á dansnámskeið aftur á nýju ári.
Þá hefur stýrihópurinn hug á að bjóða upp á fría kynningartíma með leiðsögn í líkamsræktum sveitarfélagsins í upphafi næsta árs eins og áður hefur verið gert.

Stýrihópur Heilsueflandi samfélags áformar að senda íbúum, fyrirtækjum og stofnunum í Fjallabyggð nýárskveðju með hvatningarorðum um heilsueflingu á nýju ári. Þá vill stýrihópurinn vekja athygli á bæklingi sem finna má á vef Embættis landlæknis og hefur að geyma ráðleggingar fyrir vinnustaði um heilsueflingu starfsfólks.
Stýrihópurinn hvetur stofnanir Fjallabyggðar til að sýna gott fordæmi og huga að heilsueflingu sinna starfsmanna.