Stjórn Hornbrekku

Lögð fram drög að Stofnanasamningi milli Félags íslenskra hjúkrunarfræðinga (Fíh) og hjúkrunarheimilisins Hornbrekku, sem byggir á kjarasamningi milli Fíh og Samtaka fyrirtækja í velferðarþjónustu (SFV). Stofnanasamningurinn nær til allra hjúkrunarfræðinga sem starfa á Hornbrekku og njóta ráðningarkjara samkvæmt gildandi kjarasamningi Fíh og SFV. Gildistími samningsins er frá 1. september 2020.
Stjórn Hornbrekku samþykkir samninginn fyrir sitt leyti og vísar málinu til bæjarráðs.

Hjúkrunarforstjóri fór yfir starfsemi Hornbrekku. Talsverð veikindi eru núna meðal íbúa Hornbrekku vegna Covid-19. Heimsóknartakmarkanir eru í gildi á heimilinu og grímuskylda er hjá öllum þeim sem koma í heimsókn og starfsfólki.

Sjúkratryggingar Íslands greiða nú styrki vegna tiltekinna hjálpartækja til íbúa hjúkrunarheimila sem áður hefur verið á hendi hjúkrunarheimilanna. Breytingin (breyting á reglugerð nr. 760/2021), felur m.a. í sér að einstaklingur í heimahúsi sem nýtir sér tiltekin hjálpartæki líkt og hér um ræðir heldur þeim þegar hann flytur inn á heimilið.