Skipulags- og umhverfisnefnd Fjallabyggðar

Lögð fram tillaga að skipulagslýsingu vegna fyrirhugaðrar vinnu við deiliskipulag malarvallarins á Siglufirði.

Nefndin samþykkir að kynna skipulagslýsinguna skv. 40.gr. skipulagslaga nr.123/2010.

Lögð fram tillaga að breytingu á deiliskipulagi útivistarsvæðis í Hóls- og Skarðsdal, Siglufirði. Tillagan felur í sér hliðrun á vegarkafla efst í Skarðsdal að bílastæðum við fyrirhugaðan skíðaskála.

Nefndin samþykkir tillögu að breyttu deiliskipulagi og felur tæknideild að afgreiða hana í samræmi við 3.mgr. 43.gr. skipulagslaga nr.123/2010.

Lögð fram tillaga að óverulegri breytingu á deiliskipulagi við Hornbrekkubót, í samræmi við tillögu bæjarstjóra og deildarstjóra tæknideildar sem samþykkt var í bæjarráði 11.7.2017.
Breytingin felur í sér að gróðursett verði vestan við stíg sem liggur samsíða Ólafsfjarðarvegi og að stígurinn verði að minnsta kosti 3-4 metra frá vegi. Einnig verður göngubrú sem fyrirhuguð var samkvæmt gildandi skipulagi tekin út.

Tæknideild er falið að grenndarkynna tillöguna forsvarsmönnun Brimnes ehf. í samræmi við 2.mgr. 43.gr. skipulagslaga nr.123/2010.

Lögð fram beiðni Vegagerðarinnar um framkvæmdaleyfi vegna framkvæmda við Skarðsveg, Siglufirði. Áætlað er að verkið hefjist um miðjan ágúst 2017 og að því ljúki haustið 2018. Einnig sótt um leyfi til efnistöku úr námu A, norðan Siglufjarðar nr. námu 19544 (við Selgil).

Bæjarráð samþykkti fyrir sitt leyti beiðni Vegagerðarinnar þann 11.júlí sl.

Nefndin samþykkir umsókn Vegagerðarinnar um framkvæmdaleyfi og efnistöku úr námu.

Lögð fram umsókn um byggingarleyfi fyrir einbýlishús við lóð nr.10 á Syðri-Gunnólfsá.

Erindi samþykkt með tveimur atkvæðum gegn einu.

Undir þessum lið vék Ásgrímur Pálmason af fundi.

Lögð fram umsókn um byggingarleyfi fyrir fjárhús í landi Hlíðar.

Erindi samþykkt.

Lögð fram umsókn um byggingarleyfi fyrir viðbyggingu við Hvanneyrarbraut 26, Siglufirði.

Tæknideild er falið að grenndarkynna aðliggjandi lóðarhöfum í samræmi við 44.gr. skipulagslaga nr.123/2010.

Lögð fram umsókn um byggingarleyfi fyrir breytingu á gluggum við Fossveg 13, Siglufirði.

Erindi samþykkt.

Lögð fram umsókn um byggingarleyfi fyrir breytingu á suðurhlið húss við Vetrarbraut 14.

Erindi samþykkt.

Lögð fram fyrirspurn eiganda Tröllakots um byggingu frístundahúss á lóðinni.

Með vísun í 19.gr. reglugerðar um hættumat vegna ofanflóða, flokkun og nýtingu hættusvæða og gerð bráðabirgðahættumats, þarf fyrirhugað hús að standast ástreymisþrýsting a.m.k. 5kN/m2.

Lögð fram umsókn um leyfi til að halda 6-10 landnámshænur við Lindargötu 16, Siglufirði.

Erindi samþykkt en nefndin áréttar að ekki er heimilt að hafa hana.

Lögð fram athugasemd vegna frágangs við malbikun botnlanga við Hafnartún.

Nefndin felur tæknideild að svara erindinu.

Lögð fram umsókn um lóðina Mararbyggð 47, Ólafsfirði.

Nefndin samþykkir úthlutun á lóðinni fyrir sitt leyti og vísar afgreiðslu málsins til bæjarráðs.

Lagt fram til kynningar.