Skipulags- og umhverfisnefnd Fjallabyggðar

Ársfundur Umhverfisstofnunar og Náttúruverndarnefnda sveitarfélaga 2012 verður haldin í Miklagarði, menningarhúsi Skagfirðinga þann 9 nóvember.

Nefndin leggur til að umhverfisfulltrúi og formaður Skipulags og umhverfisnefndar sæki fundinn.

Guðmundur Garðarson kom fyrir nefndina og ræddi fjárréttarmál í Ólafsfirði fyrir hönd Hobbýfjárbænda. Einnig mætti til fundarins Ingi Vignir Gunnlaugsson fjallskilastjóri.

Farið var yfir hvernig fjárréttir gengu nú í ár með tilkomu bráðabirgðarréttar í Ósbrekku. Í framhaldi af því óskar Guðmundur eftir að gefið verði leyfi til þess að halda þessari staðsetningu fyrir aukarétt áfram.

Afgreiðslu frestað til næsta fundar.

Lagður fram nýr lóðarleigusamningur fyrir Hafnargötu 4 á Siglufirði.

Erindi samþykkt.

Lagður fram nýr lóðarleigusamningur fyrir Hólaveg 16 á Siglufirði.

Erindi frestað.

Símon Helgason óskar eftir að fá leyfi til þess að halda fé í hesthúsi sínu að Fákafeni 11. Um er að ræða þrjár kindur sem yrðu í hlöðu hússins.

Nefndin samþykkir leyfi til 10.06.2013.

Sigurður Hlöðverson bókar andstöðu sína við afgreiðslu nefndarinnar á grundvelli þess að málið stangist á við deiliskipulag svæðisins.

Erindi hefur borist frá Veraldarvinum þar sem þeir óska eftir samstarfi við Fjallabyggð. Markmið samtakanna er að stuðla að heilbrigðum lífsháttum og betri umgengni manna við umhverfi sitt. Bjóðast þeir til þess að senda hópa til Fjallabyggðar á árinu 2013.

Umhverfisfulltrúa er falið að kanna grundvöll fyrir samstarfi við Veraldarvini.

Lagðar fram teikningar af breytingum á Lindargötu 9, Siglufirði.

Erindi samþykkt.

Lagður fram uppdráttur með breytingu á Aðalskipulagi Fjallabyggðar 2008-2028. Breytingin felur í sér stækkun á athafnasvæði lóðar við Múlaveg 18 samkvæmt fundarbókun 145. fundar hjá Skipulags og umhverfisnefnd.

Skipulags og umhverfisnefnd samþykkir breytinguna og mælir með að bæjarstjórn samþykki.

Lögð fram drög að starfsáætlunum vegna fjárhagsáætlunar 2013 fyrir skipulags, umhverfis og hreinlætismál.

Lagt fram til kynningar.