Skipulags- og umhverfisnefnd Fjallabyggðar

Lögð er fram tillaga að breytingu á deiliskipulagi frístundabyggðar á Saurbæjarás, þar sem breyting er gerð á vegi upp á svæði II.

Erindi samþykkt.

Ómar Sveinsson og Margrét Eyjólfsdóttir Hafnargötu 8, Siglufirði óska eftir leyfi til að halda 3 hænur og 1 hana í kofa á lóð sinni.  Svæði fyrir hænurnar verður girt af í kringum kofann.  Meðfylgjandi er samþykki nágranna.

Erindi samþykkt.

Lagður er fram lóðaleigusamningur fyrir Ólafsveg 3, Ólafsfirði.

Samþykkt með fyrirvara um að lóðablað verði leiðrétt.

Skógræktarfélag Siglufjarðar óskar eftir leyfi til að setja upp skilti við slóða upp að vinnuskúr á landsvæði Skógræktar og Landgræðslu sunnan Leyningsár.  Skiltið er að sambærilegri gerð og skiltið við Skarðsveginn afleggjara að skógræktarsvæðinu.

Erindi samþykkt.

Ragnar Ragnarsson sækir um stöðuleyfi fyrir 40 feta gám á gámasvæði Fjallabyggðar, Siglufirði.

Nefndin samþykkir erindið en bendir á að við staðsettningu gáms verði haft samráð við tæknideild.

Bæjarráð óskar eftir tilskildum leyfum til niðurrifs á húseign við Kirkjuveg 4, Ólafsfirði.

Fyrir liggur þinglýsingarvottorð frá sýlsumanni og eru engar kvaðir á eigninni. 

Tillaga frá Helga:

Skipulags- og umhverfisnefnd Fjallabyggðar heimilar ekki að svo stöddu niðurrif á Kirkjuvegi 4 fyrr en húsakönnun í Ólafsfirði hefur farið fram.  Fjallabyggð fékk úthlutað 1 milljón frá Húsfriðunarnefnd til að framkvæma byggða- og húsakönnun í Ólafsfirði.  Því telur nefndin það rétt að bíða með að veita heimild til niðurrifs á Kirkjuvegi 4 og óskar jafnframt eftir því að húsakönnun verði flýtt.

Nefndin samþykkir tillöguna en óskar jafnframt eftir kostnaðaráætlun við niðurrif og frágang á umræddri lóð frá tæknideild.

Bæjarstjórn vísaði þessum lið aftur til nefndarinnar í ljósi erindis sem kom frá Skipulagsstofnun þann 3. mars sl.  Þar sem kemur fram að breytinga sé þörf á aðalskipulagi Fjallabyggðar ef leyfi verður gefið fyrir tjaldsvæði á umræddri lóð.

Nefndin leggur til að ráðist verði í grenndarkynningu á umsókn um tjaldsvæði og gistiheimili á landaeigninni Brimnesi í Ólafsfirði og í framhaldi af niðurstöðum grenndarkynningar verður tekin ákvörðun um skipulag á svæðinu.  Grenndarkynning nær til íbúa frá Þverbrekku að Brimnesi.

Jón Árni Konráðsson sendi inn erindi varðandi umferðarmál í sveitarfélaginu og bendir á hvað megi betur fara og leggur til að farið verði í úrbætur í umferðarmerkingum.

Nefndin þakkar góðar ábendingar og felur tæknideild að vinna í málinu.

Lagt fram til kynningar.

Jón Andrjes Hinriksson fyrir hönd Olíuverslunar Íslands hf. óskar eftir leyfi til að setja upp skilti (vegvísi) ca. 40x40 cm að stærð á ljósastaur á gatnamótum Suðurgötu og Snorragötu sem vísar á bensínstöð Olís.

Erindi hafnað á þeim forsendum að  umræddur ljósastaur stendur við þjóðveg í þéttbýli sem er á vegum vegagerðarinnar, en felur nefndin tæknideild að koma með hugmynd að þjónustu og upplýsingarskilti í sveitarfélaginu fyrir 1. maí.

Lögð er fram breytingartillaga á aðalskipulagi Fjallabyggðar 2008 - 2028, sem snýr að breytingu á landnotkun 1700 fermetra landsvæðis við Hornbrekkubót í Ólafsfirði.  Vestasti hluti verslunar- og þjónustusvæðis í Hornbrekkubót mun fá skilgreininguna opið svæði til sérstakra nota í samræmi við aðliggjandi svæði.

Samþykkt.

Lögð er fram tillaga að deiliskipulagi fyrir Snorragötu Siglufirði. 

Þar sem breytingar hafa verið gerðar á áður samþykktri tillögu er hún lögð aftur fyrir nefndina.

Skipulags- og umhverfisnefnd samþykkir að tillaga að deiliskipulagi fyrir Snorragötu verði auglýst skv. 41. grein skipulagslaga nr. 123/ 2010.

Lögð er fram tillaga að deiliskipulagi fyrir Hornbrekkubót, Ólafsfirði. 

Þar sem breytingar voru gerðar á áður samþykktri tillögu er hún lögð aftur fram fyrir nefndina.

Skipulags- og umhverfisnefnd samþykkir að tillaga að deiliskipulagi fyrir Hornbrekkubót verði auglýst skv. 41. grein skipulagslaga nr. 123/ 2010.

Lögð er fram tillaga að deiliskipulagi fyrir Flæðar, Ólafsfirði. 

Þar sem breytingar voru gerðar á áður samþykktri tillögu er hún lögð aftur fram fyrir nefndina.

Skipulags- og umhverfisnefnd samþykkir að tillaga að deiliskipulagi fyrir Flæðar verði auglýst skv. 41. grein skipulagslaga nr. 123/ 2010.

Lagt fram til kynningar.