Skipulags- og umhverfisnefnd Fjallabyggðar

Erindi hefur borist frá Sambandi íslenskra sveitarfélaga þar sem athygli er vakin á því að vafi kunni að leika um umboð starfandi byggingarnefnda til töku ákvarðana samkvæmt eldri samþykktum sveitarfélaga.  1. janúar sl. tóku gildi ný mannvirkjalög, nr. 160/2010.   Sveitastjórnir eru hvattar til að fara yfir umboð byggingarfulltrúa og byggingarnefnda til útgáfu byggingarleyfa og annarra ákvarðana samkvæmt mannvirkjalögum þar til staðfesting ráðherra á nýrri samþykkt liggur fyrir.

Erindi vísað til bæjarstjórnar til ákvarðanatöku.

Sýslumaðurinn á Siglufirði óskar eftir umsögn um umsókn um rekstrarleyfi til handa Síldarminjasafni Íslands, vegna reksturs veitingastaðar í húsnæði safnsins í Bátahúsinu, Gránu og Roaldsbrakka að Snorragötu 10-18, Siglufirði.  Þar sem lokaúttekt hefur ekki farið fram á húsnæði Síldarminjasafnsins, var safninu gefið rekstarleyfi til bráðabirgða sem er runnið út.

Nefndin samþykkir erindið með þeim fyrirvara að lokaúttekt fari fram og öll leyfi liggi fyrir.

Máli frestað.

Haukur Óskarsson fékk leyfi sveitarstjórnar í desember 2009 að setja aðrein af Suðurgötu og bílastæði á lóð sína við Suðurgötu 68 skv. teikningu.  Nú óskar Haukur eftir að fá að taka í fóstur lóðarskika, sunnan við lóð sína sem nemur breidd afreinar og lengd lóðar skv. meðfylgjandi lóðarblaði.

Erindið samþykkt og tæknideild falið að útbúa samning við lóðarhafa.

Lögð er fram tillaga að þátttöku sveitafélagsins í stoðveggjasmíði.

Erindi samþykkt.

Gunnlaugur Magnússon fyrir hönd Raftækjavinnustofunnar ehf. Hafnargötu 1, Ólafsfirði óskar eftir leyfi til að setja þjónustuhurð í stað glugga á vesturhlið húseignar skv. meðfylgjandi teikningu.

Erindi samþykkt.

Bréf barst frá Umhverfisstofnun varðandi efnistöku á Siglunesi.

Felur nefndin tæknideild að koma málinu í réttan farveg.

Hörður Júlíusson fyrir hönd Rauðku ehf óskar eftir leyfi til að gera breytingar á útliti "Bátahússins" Gránugötu 19, Siglufirði skv. meðfylgjandi teikningum.

Erindi samþykkt.

Nefndin ræddi lausagöngu búfjár í Fjallabyggð.

Hákon J. Antonsson eigandi hesthúss við Fákafen 11, Siglufirði lýsir sig andvígan sauðfjárrækt á hesthúsasvæði og í hesthúsum almennt.

Nefndin þakkar ábendinguna en bendir á að sauðfjárhald í hesthúsi nr. 9 á Siglufriði er leyft til bráðabirgðar til vors.

Lagt fram til kynningar.

Nefndin bendir á fleiri möguleika varðandi staðsetningu fyrir spennistöð.

Tæknideild falið að vinna í málinu.