Skipulags- og umhverfisnefnd Fjallabyggðar

Lögð fram tillaga að deiliskipulagi íþróttasvæðis í Ólafsfirði dagsett 12. nóvember 2019, sem kynnt var fyrir opnu húsi þann 28. nóvember sl.

Lagt fram erindi dagsett 4. október 2019 þar sem húseigendur að Hólavegi 27 óska eftir stækkun lóðar til norðurs að lóðarmörkum Hólavegar nr. 31. Einnig lagt fram erindi húseiganda Hólavegar 31 dagsett 28. október 2019 þar sem fram kemur að eigandi hafi lagt til kostnað og vinnu við lagfæringu á bakka og bílastæði á óúthlutuðu landi sem um ræðir, í samráði við þáverandi bæjartæknifræðing og óskar jafnframt eftir að sá hluti lóðar verði hluti af nýjum lóðarleigusamningi fyrir Hólaveg 31.

Lögð fram umsókn dagsett 15. nóvember 2019 þar sem Kristófer Þór Jóhannsson óskar eftir breyttri notkun neðri hæðar Aðalgötu 9 úr íbúðarhúsnæði í atvinnuhúsnæði en þar er nú til húsa hárgreiðslustofa.

Lögð fram umsókn dagsett 12. nóvember 2019 þar sem Guðmundur Skarphéðinsson sækir um endurnýjun á lóðarleigusamning vegna Túngötu 28 en núverandi samningur var gefinn út árið 1940 til 50 ára. Einnig lögð fram drög að lóðarblaði dagsett 27. nóvember 2019, sem verður fylgiskjal nýs lóðarleigusamnings.

Lögð fram drög að reglum um úthlutun lóða í Fjallabyggð.

Lögð fram skipulags- og matslýsing vegna Aðalskipulags Skagafjarðar 2020-2035.

Umræða um hvernig best væri að halda utan um mál í vinnslu hjá nefndinni.

Lagður fram tölvupóstur frá Landsneti hf. dags. 22. nóvember 2019 varðandi undirbúning við mótun kerfisáætlunar fyrir tímabilið 2020-2029. Landsnet kynnir þar verkefnis- og matslýsingu áætlunarinnar og vonar að sem flestir kynni sér matslýsinguna. Frestur til að koma með athugasemdir eða koma með ábendingar við matslýsinguna er til og með 23. desember 2019. Verkefnis- og matslýsingin er aðgengileg á heimasíðu Landsnets www.landsnet.is. Ábendingar og athugasemdir við verkefnis- og matslýsinguna skal senda til Landsnets á póstfangið landsnet@landsnet.is merkt "matslýsing".

Lagður fram kynningarbæklingur vegna klippikorta fyrir gámasvæði Fjallabyggðar sem tekin verða í notkun í byrjun árs 2020.

Lagður fram til kynningar tölvupóstur frá Jakobi Björnssyni f.h. Orkusjóðs dagsettur 15. nóvember 2019, þar sem fram kemur að umsókn Fjallabyggðar um styrk til uppsetningar hraðhleðslustöðvar fyrir rafbíla hefði ekki verið samþykkt að þessu sinni.

Lagt fram til kynningar upplýsingarit frá Umhverfisstofnun sem ætlað er sem handbók fyrir sveitarfélög vegna leyfisveitinga, sérstakrar verndar, umsagna, friðlýsingar, aksturs utan vega, vegaskrá og almennt um hlutverk sveitarfélaga og náttúruverndarnefnda skv. náttúruverndarlögum nr. 60/2013.