Skipulags- og umhverfisnefnd Fjallabyggðar

Nefndin heimsótti stjórn Pálshúss.

Lögð fram umsókn þar sem óskað er eftir leyfi til að byggja bílskúr við suðurhlið íbúðarhússins við Hornbrekkuveg 9 skv. meðfylgjandi aðaluppdráttum frá H.S.Á teiknistofu.

Lagt fram erindi Guðnýjar Róbertsdóttur og Örlygs Kristfinnssonar dagsett 25. september 2019 þar sem óskað er eftir framlengingu á stöðuleyfi Sæluhússins sem stendur við Aðalgötu 22 á Siglufirði.

Lagt fram erindi Jóns Hrólfs Baldurssonar dags. 23. september 2019. Óskað er eftir stækkun lóðar við Hvanneyrarbraut 69 svo hún nái 11 metra til norðurs frá húsvegg. Einnig er sótt um leyfi til að útbúa bílastæði norðan við húsið.

Lagt fram erindi húseigenda Eyrargötu 16, dagsett 17. september 2019. Erindið er sent inn sem drög að umsókn um útlitsbreytingu á Eyrargötu 16 þar sem áætlað er að stækka norðurkvist og brjóta strompinn undir þakinu. Óskað er eftir svari með athugasemdum svo hægt sé að senda inn formlegt erindi.

Lögð fram umsókn dagsett 30. september 2019 þar sem Jóhanna Unnur Haraldsdóttir sækir um leyfi til að loka norðurhlið við aðalinngang á Hafnartúni 36 vegna mikillar snjósöfnunar á veturnar. Lokuninn verður úr timbri sem verður málað í sama lit og húsið.

Á 244. fundi skipulags- og umhverfisnefndar þann 4. september sl. óskaði nefndin eftir nánari upplýsingum um framkvæmd vegna stækkunnar marksvæðis göngubrautar í Ólafsfirði. Lagðar fram nánari upplýsingar um framkvæmdina.

Á 242. fundi skipulags- og umhverfisnefndar óskaði Helgi Jóhannsson, nefndarmaður skipulags- og umhverfisnefndar eftir upplýsingum um hversu mikið magn af almennu sorpi hefur farið til urðunar sl. 5 ár, hversu mikið hefur farið í lífrænan úrgang og hversu mikið í endurvinnslu. Einnig óskað eftir upplýsingum um kostnað sveitarfélagsins við sorphirðu og förgun á sama tímabili pr. ár.

Lagt fram erindi dagsett 4. október 2019 þar sem húseigendur að Hólavegi 27 óska eftir stækkun lóðar til norðurs að lóð nr. 31.