Markaðs- og menningarnefnd Fjallabyggðar

Á fundinn mætti Hrönn Hafþórsdóttir forstöðumaður bókasafns Fjallabyggðar. Hrönn lagði fram ársskýrslu bóka- og héraðsskjalasafnsins fyrir árið 2017.

Markaðs- og menningarnefnd leggur til að bókasafnið í Fjallabyggð fái heimild til kaupa á búnaði til varðveislu gagna. Óskað er eftir upplýsinugm um búnaðinn og verðhugmynd frá forstöðumanni bókasafnsins.

Linda Lea Bogadóttir, markaðs- og menningarfulltrúi lagði fram til kynningar drög að reglugerð um rekstur héraðsskjalasafna.

Gjaldskrá tjaldsvæðis og bókasafns 2017 lögð fram til kynningar.

Linda Lea Bogadóttir, markaðs- og menningarfulltrúi,lagði fram, til kynningar og umræðu starfsáætlun menningarmála vegna 2017.

Linda Lea Bogadóttir markaðs- og menningarfulltrúi lagði fram bréf dags. 04.05.17 frá Helga Jóhannssyni um aðstöðuhús fyrir brimbrettafólk í Ólafsfirði.

Markaðs- og menningarnefnd telur málið áhugavert og brýnt að skapa aðstöðu fyrir þessa íþróttaiðkun og vísar því málinu áfram til umhverfis-og tæknideildar og til bæjarráðs.

Samningur um verkefnastjórn 17. júní hátíðarhaldanna 2017 við Menningar- og fræðslunefnd slökkviliðsins í Ólafsfirði, MOFSÓ lagður fram til afgreiðslu. Samningi vísað til samþykktar bæjarráðs Fjallabyggðar.

Linda Lea Bogadóttir markaðs og menningarfulltrúi sagði frá heimsókn FAM hóps til Siglufjarðar föstudaginn 5. maí s.l.

Markaðs- og menningarnefnd leggur til að unnið verði markvisst að undirbúningi vegna komu skemmtiferðaskipa til Siglufjarðar sumarið 2017.