Markaðs- og menningarnefnd Fjallabyggðar

Forstöðumaður Bóka- og héraðsskjalasafns Fjallabyggðar, Hrönn Hafþórsdóttir, sat undir þessum lið.

Forstöðumaður Bóka- og héraðsskjalasafns Fjallabyggðar kynnti stefnumótun fyrir Héraðsskjalasafn Fjallabyggðar. Forstöðumaður og deildarstjóri fræðslu-, frístunda- og menningarmála unnu stefnumótunina.

Stefnumótunin er unnin út frá drögum að nýrri reglugerð um rekstur héraðsskjalasafna í þeim tilgangi að tryggja örugga meðferð og frágang skjala í varðveislu héraðsskjalasafns.

Stefnumótunin tekur til þriggja ára, 2018-2021 og nær til safnkosts, húsnæðis, mannauðs og búnaðar.

Markaðs- og menningarnefnd fagnar því að stefnumótun skuli vera lokið.

Forstöðumaður Bóka- og héraðsskjalasafns Fjallabyggðar, Hrönn Hafþórsdóttir, sat undir þessum lið.

Nokkuð af ljósmyndum eru í eigu Héraðsskjalasafns Fjallabyggðar. Sökum aðstöðuleysis á safninu leggur forstöðumaður til að þær verði afhentar Ljósmyndasafni Siglufjarðar til varðveislu. Nefndin samþykkir tillögu forstöðumanns fyrir sitt leyti og beinir henni til bæjarráðs.

Forstöðumaður Bóka- og héraðsskjalasafns Fjallabyggðar, Hrönn Hafþórsdóttir, sat undir þessum lið.

Forstöðumaður fór yfir tölur yfir fjölda ferðamanna sem komu á upplýsingamiðstöðvar sveitarfélagsins árið 2017. Samtals komu 3805 ferðamenn af a.m.k. 42 þjóðernum í upplýsingamiðstöðina á Siglufirði og 435 ferðamenn af a.m.k. 28 þjóðernum í uppýsingamiðstöðina í Ólafsfirði.

Forstöðumaður Bóka- og héraðsskjalasafns Fjallabyggðar, Hrönn Hafþórsdóttir, sat undir þessum lið.

Forstöðumaður fór yfir gestakomur á Bókasafn Fjallabyggðar árið 2017. Gestir á bókasafnið í Ólafsfirði voru 3530 og á safnið á Siglufirði komu 7693 eða 11223 gestir alls.

Linda Lea Bogadóttir markaðs- og menningarfulltrúi fór yfir stöðu undirbúnings fyrir Norrænu strandmenningarhátíðina sem haldin verður á Siglufirði 4.-8.júlí nk.
Stýrihópur hátíðarinnar fundar á 1-2.vikna fresti.

Fundargerð síðasta fundar afmælisnefndar fyrir 100 ára kaupstaðarafmæli Siglufjarðar lögð fram til kynningar.