Hafnarstjórn Fjallabyggðar

Hafnasamband Íslands boðar til hafnarsambandsþing í Vestmannaeyjum dagana 20. september og 21. september. Aðalviðfangsefni þingsins , auk hefðbundinna þingstarfa er umfjöllun um fjármál hafna, endurskoðun hafnalaga, sjávarklasa og málefni Siglingastofnunar. Þingfulltrúar Fjallabyggðar eru hafnarstjóri og yfirhafnarvörður.

Lagt fram rekstraryfirlit fyrir tímabilið frá janúar til og með júlí. Staða hafnarsjóðs er í samræmi við áætlun ársins. Helstu framkvæmdum er að ljúka.

Má hér nefna;

1. Unnið hefur verið við sandfangara í Ólafsfirði og eru þær framkvæmdir á lokasprettinum.

2. Malbikunarframkvæmdir á Siglufirði er lokið og hafa þær stórbætt aðstöðu á hafnarsvæðinu.

3. Búið er að flytja flotbryggju á Siglufjörð en eftir er að setja hana niður og verður það gert innan tíðar.

4. Búið er að lagfæra akstur um hafnarsvæðið - einstefna að hluta.

5. Framkvæmdum við timburbryggju lauk fljótlega eftir áramót og tókst hún vel.

6. Verið er að kanna stálþil við hafnarbryggju en ljóst er að sú bryggja kallar á mikið viðhald á næstu árum.

Búið er að greiða vegna framkvæmda kr. 12.257.000.- en áætlun gerir ráð fyrir að heildarframkvæmdakostnaður verði um 21.3 m.kr.

Launakostnaður er um 94% af kostnaðaráætlun á þessu tímabili.

Formaður hafnarstjórnar fagnar góðri stöðu hafnarsjóðs.

Vinna við samgönguáætlun fyrir 2013 - 2016 er að hefjast en tillaga að áætlun verður lögð fyrir alþingi næsta vetur. Umsókn um ríkisframlög verkefna á næsta áætlunartímabili skal senda til Siglingastofnunar fyrir 1. október 2012.

1. Umsókn um framlag til nýrra verkefna í hafnargerð.

Endurbyggja þarf Hafnarbryggju og er kallað eftir framlagi frá ríkinu.

2. Umsókn um framlag til sjóvarna.

Lagfæringar á sjóvörnum við innri höfn á Siglufirði.

Hafnarstjórn felur hafnarstjóra, formanni hafnarstjórnar og Ólafi Kárasyni að ganga á fund Siglingastofnunar og ræða fjármagn til framkvæmda í höfnum Fjallabyggðar er þar lögð þung áhersla á viðhald og endurbyggingu Hafnarbryggju.

Ragnar Ragnarsson sækir um stöðuleyfi fyrir 20 feta gám á hafnarsvæðinu á Siglufirði.

Hafnarstjórn samþykkir stöðuleyfi á Óskarsbryggju en leggur áherslu á góða umgengni og að höfnin fái greiðslu í samræmi við gjaldskrá bæjarfélagsins.

Fundargerð 347. fundar lögð fram til kynningar.

Lagt fram til kynningar hugleiðingar frá fulltrúa innanríkisráðuneytis og fulltrúa Hafnarfjarðarhafnar.

Hafnarstjórn felur hafnarstjóra að leggja fyrir næsta fund tillögu að breytingum á hafnarreglugerð Fjallabyggðar sé þess þörf.

Lögð fram fundargerð frá 26. júlí en þá var búið að gera við veginn fram garðinn, rjúfa garðinn og lokið við að aka kjarna í garðinn.

Verkið gengur vel og er á áætlun og engar kröfur hafa komið fram hjá verktaka.

Lagðar fram teikningar af staðsetningu lóðar fyrir hótelbyggingu við Snorragötu.

Hafnarstjórn gerir ekki athugasemdir við framkominn áform en leggur áherslu á að útsetning lóðar, stærð sem og staðsetning sé gerð í samráði við Siglingastofnun og tæknideild bæjarfélagsins.

Hafnarstjórn gerir ekki neinar athugasemdir við fram komnar óskir um útlitsbreytingu á umræddu húsi.

Ábending um hafnarvog í Ólafsfirði.
Lögð er áhersla á að finna góða lausn til að forða pallavoginni frá skemmdum.
Hafnarstjórn leggur áherslu á að bifreiðar í rekstri hafnarsjóðs séu tiltækar og staðsettar á hafnarsvæðum bæjarfélagsins.
Sá sem er á bakvakt hefur full afnot af bifreiðinni í sinni vinnu.