Hafnarstjórn Fjallabyggðar

Farið var yfir loftmynd af hafnarsvæðinu og rætt um aukið viðlegurými fyrir löndun og fyrir lengri viðlegu - geymslu á bátum.

Hafnarstjórn var einhuga í að kalla eftir skoðun Siglingastofnunar á viðlegu og endurbótum á þremur svæðum.

1. Fyrir framan hafnarvog verði byggður nýr viðlegukantur.

2. Fyrir vestan fiskmarkaðinn verði byggður nýr viðlegukantur.

3. Í suðurhöfninni verði viðlegukantur lagfærður ásamt þekju.

Hafnarstjórn telur eðlilegt að settar verði nýjar varnir - ný dekk á núverandi viðlegukant á svæði 3 - suðurhöfn.

Hafnarstjórn leggur áherslu á að farið verði yfir verklagsreglur og umgjörð á afgreiðslu á hafnarsvæðum Fjallabyggðar. Hver á að gera hvað?

Hafnarstjórn telur eðlilegt að kalla eftir allsherjar úttekt á gömlu hafnarbryggjunni og þekju fyrir austan fiksmarkaðshúsið.

Hafnarstjórn óskar eftir skoðun Siglingastofnunar á þessu svæði.

Útprentun á lönduðum afla á Ólafsfirði fyrir árið 2010. Búið er að landa 3.262 tonnum í 794 löndunum.

Um er að ræða sama aflamagn og á síðasta ári.

Lagt fram til kynningar.  

Útprentun á lönduðum afla á Siglufirði. Búið er að landa 8.092 tonnum í 2015 löndunum.

Um er að ræða aukninu um 1080 tonn.

Lagt fram til kynningar.

Hafnarstjórn telur að um verði að ræða frekari aukningu á næsta ári.

Áætlaðar tekjur hafnarinnar fyrir árið 2010 er um 69.5 milljónir. Í dag er búið að innheimta um 54.3 milljónir króna.

Um er að ræða 78 % af árstekjum hafnarinnar. Hafnarstjórn telur horfur á að tekjurnar í ár verði hærri en áætlun ársins gerir ráð fyrir.

Hafnarstjórn telur rétt að skoða útgjaldahlið rekstursins, á næsta fundi.

Frestað til næsta fundar. Bæjarstjóri lagði fram kynningarbækling sem unnið er að, sem varðar skemmtiferðaskip og samstarf um farþega af skipum frá höfnum á Eyjafjarðarsvæðinu.

Hafnarstjórn leggur þunga áherslu á að nýr löndunarkrani verði settur upp hið fyrsta. Núverandi krani annar ekki stærri bátum. Lágmarks þjónusta hafnarinnar þarf að byggja á rekstri á tveimur löndunarkrönum.

Hafnarstjórn leggur áherslu á að pallavog bæjarfélagsins verði nýtt við löndun á Ólafsfirði, þegar því verður ekki komið við að nota stóru vigtina.

Lagt fram til kynningar

Lagt fram til kynningar

Lagt fram til kynningar