Fræðslu- og frístundanefnd Fjallabyggðar

Jafnréttisstofa og miðstöð skólaþróunar á Akureyri auglýsa eftir áhugaverðu efni til að kynna á: Ráðstefnu um jafnrétti í skólastarfi, sem haldin verður í Háskólanum á Akureyri 1.apríl 2017. Samkvæmt námsskrá nær jafnrétti til: kyns, kynhneigðar, kynvitundar, menningar, litarháttar, ætternis, þjóðernis, tungumáls, trúarbragða, lífsskoðana, fötlunar, stéttar, búsetu og aldurs.

Mennta og menningarmálaráðuneytið árétta að frá og með vori 2017 skulu allir grunnskólar með 10.bekk hafa lokið innleiðingu á nýjum námsmatskvarða A-D við lok 10.bekkjar grunnskóla. Ráðuneytið ítrekar jafnframt að skólar skulu ekki nota vörpun við einkunnagjöf, þ.e. umreikna einkunnir yfir í tölur yfir í bókstafina A-D.
Fundarmenn óska eftir því að deildarstjóri fræðslu, frístunda og menningarmála kanni stöðu mála varðandi námsmatskvarða hjá Grunnskóla Fjallabyggðar og leggi fyrir nefndina.

Sótt er um nám utan lögheimilssveitarfélags við Brekkuskóla á Akranesi út skólaárið 2016-2017.
Nefndin samþykkir umsóknina fyrir sitt leyti.

Dagana 5.-7. apríl nk. mun Ungmennaráð Íslands (UMFÍ) standa fyrir ráðstefnunni Ungt fólk og lýðræði. Yfirskrift ráðstefnunnar í ár er "EKKI BARA FRAMTÍÐIN - UNGT FÓLK LEIÐTOGAR NÚTÍMANS".
Rástefnan fer að þessu sinni fram á Hótel Laugabakka í Miðfirði.
Nefndin vísar erindinu til umfjöllunar í ungmennaráði.

Þann 2.júní 2016 samþykkti Alþingi lagafrumvarp að breytingu að lögum um grunnskólann á þann hátt að á eftir 33.gr. laganna kemur ný grein, 33.gr.a.
Í þessari nýju grein er kveðið á um það, að öllum börnum í yngri árgöngum (1.-4.b) skuli gefinn kostur á þjónustu frístundaheimila.
Ráðuneytið hefur skipað verkefnisstjóra fyrir innleiðinguna og er nú unnið að gerð viðmiða um gæði frístundastarfs, þ.m.t. hlutverk og markmið, skipulag og starfsaðstæður, starfshætti, margbreytileika, stjórnun og menntun starfsfólks.
Nefndin leggur til að deildarstjóri fræðslu, frístunda og menningarmála leyti eftir umsögn skólastjóra um þessi mál.

Undir þessum dagskrárlið vék Kristján Hauksson af fundi.

Skíðafélag Ólafsfjarðar hefur lokið umsagnarferli sínu á samningnum sem liggur fyrir.
Nefndin samþykkir ofangreindan samning með áorðnum leiðréttingum. Nefndin vísar afgreiðslu þessa máls til bæjarráðs.

Knattspyrnufélag Fjallabyggðar hefur lokið umsagnarferli sínu á samningnum sem liggur fyrir.
Nefndin samþykkir samninginn með áorðnum breytingum og vísar samningnum til bæjarráðs.