Fræðslu- og frístundanefnd Fjallabyggðar

Undir þessum lið sátu fulltrúar leikskólans, Olga Gísladóttir skólastjóri og Fanney Jónsdóttir fulltrúi starfsmanna. Skólastjóri leikskólans fór yfir niðurstöður foreldrakönnunar 2021.

Deildarstjóri fræðslu-, frístunda- og menningarmála kynnti fyrir fundarmönnum skjalið Byggjum brú sem er unnið að beiðni skólameistara framhaldsskóla á Norðurlandi eystra og allra fræðslustjóra á svæðinu. Markmið skjalsins er að setja fram samræmdan og skýran ramma um upplýsingaflæði milli grunnskóla og framhaldsskóla þannig að skólaskipti nemenda úr grunnskóla og í framhaldsskóla verði sem auðveldust og að ekki verði rof á þjónustu við þá einstaklinga sem á aðstoð þurfa að halda.

Fræðslu- og frístundanefnd samþykkir að kalla eftir greinargerðum frá fræðslustofnunum í Fjallabyggð um hvernig gangi að vinna eftir Fræðslustefnu Fjallabyggðar sem samþykkt var af bæjarstjórn 18. maí 2017. Horft verði til atriða eins og hvernig fræðslustefnan birtist í daglegu skólastarfi stofnana, samstarf milli fræðslustofnana, hvernig gildi fræðslustefnunnar endurspeglast í starfinu og hvernig gangi að vinna að markmiðum fræðslustefnunnar. Óskað eftir að greinargerðir berist deildarstjóra fræðslu-, frístunda- og menningarmála í síðasta lagi 1. júní 2021.