Fræðslu- og frístundanefnd Fjallabyggðar

Undir þessum dagskrárlið sátu Ása Björk Stefánsdóttir skólastjóri Grunnskóla Fjallabyggðar og Guðný Huld Árnadóttir fulltrúi foreldra grunnskólans.
Skólastjóri óskar eftir heimild fræðslu- og frístundanefndar til að gera könnun á viðhorfi foreldra til þess að skólabyrjun nemenda í 8.-10.bekk verði seinkað til 9:00 og nemendur tækju skólarútu frá Siglufirði kl. 8:30 í stað 7:40 sem nú er.
Fyrir um ári síðan barst fræðslu- og frístundanefnd erindi frá foreldrum þar sem skorað var á nefndina að skoða þetta. Skólaráð Grunnskóla Fjallabyggðar hefur einnig óskað eftir að kannaður verði möguleiki á þessum breytingum.
Fræðslu- og frístundanefnd veitir skólastjóra heimild til að kanna hug foreldra til þeirra breytinga sem um ræðir og óska eftir að niðurstöður könnunar verði lagðar fyrir nefndina.

Undir þessum dagskrárlið sátu Ása Björk Stefánsdóttir skólastjóri Grunnskóla Fjallabyggðar og Guðný Huld Árnadóttir fulltrúi foreldra. Skólastjóri leggur til breytingar á skólareglum Grunnskóla Fjallabyggðar. Breytingar felast í því að ávarpa ábyrgð nemenda og forráðafólks varðandi skaðabótaskyldu ef gerðar eru vísvitandi skemmdir á gögnum og munum grunnskólans.
Fræðslu- og frístundanefnd samþykkir breytingar á skólareglum fyrir sitt leyti og vísar til afgreiðslu bæjarstjórnar.

Undir þessum dagskrárlið sátu Ása Björk Stefánsdóttir skólastjóri Grunnskóla Fjallabyggðar og Guðný Huld Árnadóttir fulltrúi stjórnendateymis Leikskóla Fjallabyggðar.
Skólastjórnendur fóru yfir drög að skóladagatölum leik- og grunnskóla fyrir skólaárið 2024-2025. Skóladagatölin eru samræmd á milli leik- og grunnskóla svo og við skóladagatal tónlistarskólans eins og hægt er. Fræðslu- og frístundanefnd samþykkir skóladagatölin fyrir sitt leyti og vísar til afgreiðslu bæjarstjórnar.

Erindi frá Umboðsmanni barna rætt. Umræður sköpuðust um mikilvægi góðrar hljóðvistar í skólahúsnæði. Í skólahúsnæðum Fjallabyggðar þarf víða að bæta hljóðvist og hvetur fræðslu- og frístundanefnd til þess að þeim úrbótum verði flýtt eins og kostur er. Sérstaklega þarf að bæta hljóðvist í matsölum grunnskólans.