Fræðslu- og frístundanefnd Fjallabyggðar

Undir þessum lið sat Daníela Jóhannsdóttir umsjónarmaður Neons.

Daníela fór yfir starfið í vetur. Starfið hefur verið fjölbreytt og mæting með ágætum. Starfstími Neons var 22.september - 11 maí. Húsnæðismál háir starfsemi Neons, það er mjög mikilvægt að finna starfseminni framtíðar húsnæði. Nefndin þakkar Daníelu fyrir greinargóða kynningu og það góða starf sem hún hefur haldið úti í vetur.

Undir þessum lið sat Jónína Magnúsdóttir skólastjóri Grunnskóla Fjallabyggðar.

Skólastjóri kynnti fundarmönnum samstarfssamning grunnskólans og menntaskólans. Í samningnum er kveðið á um með hvaða hætti samstarf skólanna er um þá áfanga menntaskólans sem nemendur grunnskólans sækja. Bæði er um að ræða áfanga sem nemendur taka sem valáfanga í grunnskólanum og þá áfanga sem nemendur grunnskólans taka í framhaldi af loknum hæfniviðmiðum grunnskólans í einstaka námsgreinum. Mjög brýnt er að verklag og hlutverk hvorrar stofnunar séu skýr. Nefndin leggur til að samningur verði endurskoðaður að ári m.t.t. reynslu næsta skólaárs.

Undir þessum lið sat Jónína Magnúsdóttir skólastjóri Grunnskóla Fjallabyggðar.

Búið er að endurnýja íþróttaáhöld í íþróttasal grunnskólans við Norðurgötu Siglufirði. Þau íþróttaáhöld sem verið er að afleggja eru að miklu leyti frá miðri síðustu öld. Til að byrja með fara þau á sýningu í Pálshúsi. Að lokinni þeirri sýningu verða þau sett í geymslu þar til framtíðarstaður finnst fyrir áhöldin.

Uppfærð umbótaáætlun vegna ytra mats á Leikskóla Fjallabyggðar lögð fram til kynningar. Hún hefur verið send Mennta- og menningarmálaráðuneytinu.

Niðurstaða færð í trúnaðarbók.

Lögð fram til kynningar.

Niðurstaða færð í trúnaðarbók.

Haukur Sigurðsson yfirmaður vinnuskóla sat undir þessum lið.

Haukur fór yfir ráðningar á flokkstjórum og umhverfisstjórum fyrir sumarið. Skráning í vinnuskóla stendur yfir. Áætlað er að hafa smíðavöll í 4 vikur í sumar fyrir börn fædd á árunum 2005-2009. Smíðavöllurinn yrði fyrir hádegi í báðum byggðarkjörnum. Útfærsla og tímasetning verður nánar auglýstur síðar.

Fræðslu- og frístundanefnd leggur til við bæjarstjórn að aldurstakmark í líkamsræktir sveitarfélagsins verði lækkað niður í 12 ára með því skilyrði að börn og unglingar á aldrinum 12 - 15 ára séu í fylgd með þjálfara eða öðrum fullorðnum ábyrgðarmanni.