Félagsmálanefnd Fjallabyggðar

75. fundur 26. september 2013 kl. 14:30 - 14:30 í Ráðhúsinu Gránugötu 24 Siglufirði

Nefndarmenn

Rögnvaldur Ingólfsson formaður
Margrét Ósk Harðardóttir aðalmaður
Margrét Guðmundsdóttir aðalmaður
Guðrún Árnadóttir aðalmaður
Hjörtur Hjartarson félagsmálastjóri

Fundargerð ritaði: Hjörtur Hjartarson félagsmálastjóri

1.Stöðumat á málefnum fatlaðra í Fjallabyggð, rekstur og þjónusta 2013

Verkefnisstjóri byggðasamlags um málefni fatlaðra, Gréta Sjöfn Guðmundsdóttir, kom inn á fundinn undir þessum lið fundargerðarinnar. Gréta upplýsti nefndina um framgang verkefnisins. Félagsmálanefnd þakkar verkefnisstjóra fyrir greinargóða skýrslu.

2.Ráðstefna um NPA á Íslandi - Væntingar og veruleiki

Málsnúmer 1307045 Vakta málsnúmer

Samband íslenskra sveitarfélaga og Samtök félagsmálastjóra á Íslandi boða til ráðstefnu um innleiðingu notendastýrðrar persónulegrar þjónustu (NPA) á Íslandi. Ráðstefnan fer fram í Salnum í Kópavogi, miðvikudaginn 2. október næst komandi. Félagsmálanefnd samþykkir að tveir nefndarmenn sæki ráðstefnuna.

3.Rekstraryfirlit júlí 2013

Málsnúmer 1308057 Vakta málsnúmer

Lagt fram til kynningar.

4.Stefnumótun í þjónustu aldraðra

Málsnúmer 1102063 Vakta málsnúmer

Á síðasta fundi nefndarinnar var deildarstjóra falið að leita leiða til að fjármagna viðhorfskönnun meðal eldra fólks í Fjallabyggð. Deildarstjóri kynnti nefndinni með hvaða hætti er hægt að standa straum af kostnaði við könnunina. Félagsmálanefnd samþykkir tillögu deildarstjóra. Gert er ráð fyrir að könnunin verði framkvæmd í októbermánuði og niðurstöður liggi fyrir í nóvember. Verkefnið verður í höndum Rannsóknastofnunar í barna- og fjölskylduvernd.