Félagsmálanefnd Fjallabyggðar

Deildarstjóri gerði grein fyrir verkefnum akstursþjónustu Fjallabyggðar. Félagsmálanefnd lýsir yfir ánægju sinni með verkefnið og telur það mikið framfara skref í þjónustu við fatlað fólk og eldri borgara sem þurfa á þessari þjónustu að halda.

Frestur til að sækja um þátttöku í þróunarverkefni um samþætta heimaþjónustu hefur verið framlengdur til og með 14. september nk. Félags- og vinnumarkaðsráðuneytið og heilbrigðisráðuneytið auglýstu fyrr í sumar eftir samstarfi við sveitarfélög og heilbrigðisstofnanir sem vilja vinna að þróunarverkefnum um samþættingu félags- og heilbrigðisþjónustu fyrir eldra fólk í heimahúsum. Með samþættingu er átt við að rekstur þjónustunnar sé á einni hendi, jafnt mannafla- sem fjármálastjórn. Fjallabyggð mun skila inn umsókn um þátttöku í verkefninu.

Umræður um helstu verkefni félagsmáladeildar undanfarið og fram undan.

Deildarstjóri fór yfir verkefnastöðu Hátinds 60 . Í sumar voru haldnar vinnustofur með starfsólki HSN í Fjallabyggð og vinnustofa í samstarfi við Norrænu velferðarmiðstöðina. Yfirskrift stofunnar var “Samþætting heilbrigðis- og félagsþjónustu þvert á skipulagsheildir?. Haustdagsrá Hátinds verður auglýst á næstu dögum.