Félagsmálanefnd Fjallabyggðar

Deildarstjóri fór yfir stöðu mála varðandi verklag við móttöku flóttafólks á Íslandi og hvernig sveitarfélagið getur staðið að móttöku flóttafólks.

Lagt fram til kynningar.

Í undirbúningi er innleiðing á rafrænu umsóknarferli fjárhagsaðstoðar sveitarfélaga. Verkefnið er unnið í samvinnu við Samband sveitarfélaga og félagsþjónustu sveitarfélaga og fellur undir samvinnuverkefni sveitarfélaga í stafrænni þróun inn á Ísland.is, þar sem tæknilegir innviðir Ísland.is eru nýttir.

Félagsþjónustan er þátttakandi í innleiðingu á nýju vinnulagi varðandi skilnaðarráðgjöf. Markmiðið er að efla ráðgjöf með áherslu á skilnaðarmál, forsjár- og umgengnismál sem ætlað er að hjálpa foreldrum við að takast á við breytingar og áskoranir sem algengar eru í kjölfar skilnaðar eða sambúðarslita.