Félagsmálanefnd Fjallabyggðar

Deildarstjóri gerði grein fyrir stöðu verkefnisins og næstu skrefum.

Lögð fram til kynningar húsnæðisáætlun Fjallabyggðar 2022. Áætlunin er unnin á stafrænu stöðluðu formi sem Húsnæðis- og mannvirkjastofnun hefur sett á laggirnar. Með stöðluðu formi verða húsnæðisáætlanir sveitarfélaga samanburðarhæfar og þar með næst betri yfirsýn þar sem mögulegt er að taka saman áætlun fyrir landið í heild sinni sem og einstaka sveitarfélög. Í áætluninni er að finna lykilþætti sem liggja til grundvallar á mati fyrir húsnæðisþörf í sveitarfélaginu.

Trúnaðarmál.

Deildarstjóri fór yfir breytingar á barnaverndarlögum, helstu nýmæli og frestun gildistöku á ákveðnum þætti laganna.

Lögð fram til kynningar stöðuskýrsla uppbyggingarteymis félags- og atvinnumála í kjölfar COVID-19 dags. 21.01.2022.

Lagt fram til kynningar bréf frá Umboðsmanni barna þar sem áréttað er mikilvægi þess að sveitarfélögum beri skylda til að leggja sérstakt mat á áhrif ákvarðana á börn sem teknar eru á vettvangi þeirra, sbr. 3. gr. Barnasáttmálans.

Í skýrslunni er ýtarleg greining á fyrirkomulagi móttöku þolenda heimilisofbeldis í heilbrigðisþjónustunni sýnir að brýn þörf er á samræmdu verklagi. Áhersla er lögð á að allir þolendur heimilisofbeldis fái sambærilega þjónustu, óháð búsetu, þegar þeir leita á heilbrigðisstofnun. Sömuleiðis er rík áhersla á að öll skráning verði rafræn, skilvirk og einföld til að tryggja samræmda skráningu þjónustu við þolendur heimilisofbeldis.
Lagt fram til kynningar.