Félagsmálanefnd Fjallabyggðar

Erindisbréf afhent fundarmönnum.  Farið yfir hlutverk nefndarmanna samkvæmt erindisbréfinu.   Nefndarmenn undirrituðu yfirlýsingu um heimild til að senda fundarboð og fundargögn með rafrænum hætti.  Fundartími félagsmálanefndar verður ákveðinn á næsta fundi sem verður 19. ágúst n.k.

Nefndarmenn undirrituðu þagnareið.

Kristín Brynhildur Davíðsdóttir skipaður varaformaður.  Samþykkt að starfsmenn félagsþjónustunnar annist ritun fundargerða félagsmálanefndar.

Undir þessum lið sat verkefnisstjóri SSNV -málefni fatlaðra, Gréta Sjöfn Guðmundsdóttir.  Fyrir liggur tillaga frá félags- og tryggingamálaráðuneytinu, dags. 21.06.2010, varðandi beiðni um að Ólafsfjörður verði hluti af þjónustusvæði byggðasamlags um málefni fatlaðra á Nl.vestra.  Félagsmálanefnd lítur svo á að tillaga ráðuneytisins sé ekki ásættanleg og ekki til þess fallin að bæta þjónustu við fatlaða í Ólafsfirði.  Einnig skiptir máli í þessu samhengi að svokallað SIS mat hefur ekki farið fram vegna fatlaðra íbúa í Ólafsfirði og mikil óvissa um að svo verði.  Félagsmálanefnd leggur til að óskað verði eftir fundi með fulltrúum félags- og tryggingamálaráðuneytisins, ásamt fulltrúum sveitarfélagsins og verkefnisstjóra SSNV - málefni fatlaðra. 

Félagsmálastjóri lagði fram yfirlit yfir helstu þjónustu- og rekstrarþætti félagsþjónustunnar.

Lagt fram til kynningar.

Félags- og tryggingamálaráðuneytið tilkynnir um styrk úr Framkvæmdasjóði aldraðra vegna umsóknar félagsþjónustu Fjallabyggðar þar sem sótt var um styrk vegna viðgerðar á þaki Skálarhlíðar, á þeim hluta sem tilheyrir dagvist aldraðra.  Styrkupphæðin er 470 þúsund krónur.

Fyrir liggur bréf verkefnisstjórnar tilraunaverkefnis til styrktar langveikum börnum og börnum með ADHD-greiningu varðandi úthlutun styrks til félagsþjónustu Fjallabyggðar að upphæð kr. 1.000.000 vegna aukinnar þjónustu við börn með ADHD og langveik börn og fjölskyldur þeirra. 

Félagsmálastjóri gerði grein fyrir stöðu mála varðandi umsóknir um auglýsta stöðu sálfræðings við félagsþjónustuna.

Lagt fram til kynningar.