Félagsmálanefnd Fjallabyggðar

Fyrir liggur svar við fyrirspurn Sjúkratrygginga Íslands þar sem óskað er eftir upplýsingum um íbúðir aldraðra í sveitarfélaginu. Í svari félagsmálastjóra kemur m.a. fram áhersla á að viðurkenndur verði réttur íbúa Skálarhlíðar til niðurgreiðslu öryggishnappa frá Sjúkratryggingum Íslands.

Félagsþjónustan hefur farið þess á leit við Heilbrigðisstofnun Fjallabyggðar að komið verði á sameiginlegu barnateymi félagsþjónustunnar og heilsugæslusviðs Heilbrigðisstofnunarinnar. Tilgangurinn er að auka samstarf, tryggja yfirsýn yfir þjónustuúrræði og gæta samræmingar og markvissra vinnubragða. Í teyminu munu sitja félagsmálastjóri, ráðgjafaþroskaþjálfi, heilsugæslulæknir, hjúkrunarforstjóri og ljósmóðir.

Gert er ráð fyrir að á næstu dögum verði unnt að ganga frá beiðni til Félags- og tryggingamálaráðuneytisins um að Ólafsfjörður verði hluti af þjónustusvæði byggðasamlags um málefni fatlaðra á Norðurlandi vestra.

Lögð fram til kynningar styrkumsókn til Félags- og tryggingamálaráðuneytisins vegna þjónustu við langveik börn og börn með ADHD.  Umsókninni fylgir verklýsing á verkefninu þar sem tilgangurinn er að stuðla að bættri þjónustu við þennan hóp barna.

Lagt fram yfirlit yfir greidda fjárhagsaðstoð frá síðasta fundi nefndarinnar.  Frá sama tíma og í fyrra hefur fjölskyldum sem þegið hafa fjárhagsaðstoð fjölgað nokkuð en gjaldaliður fjárhagsaðstoðar er enn innan ramma fjárhagsáætlunar ársins.

Lagt fram til kynningar.

Lagt fram til kynningar.