Bæjarráð Fjallabyggðar

Lögð fram skýrsla um úttekt á hugsanlegri sameiningu Tónskóla Fjallabyggðar og Tónlistarskóla Dalvíkurbyggðar sem unnin var af Kristni J. Reimarssyni, deildarstjóra fræðslu-, frístunda- og menningarmála í Fjallabyggð og Hlyni Sigursveinssyni, sviðsstjóra fræðslu- og menningarsviðs í Dalvíkurbyggð.

Bæjarráð samþykkir að fela bæjarstjóra að ræða við bæjarstjóra Dalvíkurbyggðar um athugasemdir sem fram komu á fundinum í tengslum við úttektina.

Lagt fram yfirlit yfir staðgreiðslu útsvars á tímabilinu 1. janúar til 31. maí 2016.

Innborganir nema kr. 400,9 milljónum sem er 96,7% af tímabilsáætlun, sem gerði ráð fyrir 414,5 milljónum.

Helga Helgadóttir vék af fundi við umfjöllun þessa máls. S. Guðrún Hauksdóttir mætti í hennar stað.

Á 445. fundi bæjarráðs, 18. maí 2015, var samþykkt að fela bæjarstjóra og formanni bæjarráðs að vinna úr umsóknum í starf markaðs- og menningarfulltrúa og taka 7 umsækjendur í viðtöl sem uppfylltu best menntunar- og hæfnisskilyrði.
17 umsóknir bárust um starf markaðs- og menningarfulltrúa.

Umsögn bæjarstjóra og formanns bæjarráðs lögð fram.
Í niðurstöðu umsagnar er lagt til að Linda Lea Bogadóttir verði ráðin í starf markaðs- og menningarfulltrúa.

Bæjarráð samþykkir samhljóða að ráða Lindu Leu Bogadóttur í starf markaðs- og menningarfulltrúa.

Bæjarstjóri upplýsti bæjarráð um stöðu mála, varðandi ágreining er aðallega tengist lóðarmörkum Tjarnargötu 16 Siglufirði.

Bæjarstjóri tók á móti fulltrúum Ofanflóðasjóðs, 30. maí s.l. og upplýsti bæjarráð um þau mál sem voru yfirfarin á þeim fundi.

Á 445. fundi bæjarráðs, 18. maí 2016, var lagt fram erindi frá stjórn Sigurhæðar ses, dagsett 11. maí 2016, er m.a. varða fasteignagjöld vegna Aðalgötu 15 Ólafsfirði og Strandgötu 4.

Bæjarráð óskaði umsagnar deildarstjóra stjórnsýslu og fjármála.

Umsögn lögð fram.

Bæjarráð samþykkir að fela bæjarstjóra og deildarstjóra fræðslu- frístunda- og menningarmála að leggja fyrir bæjarráð drög að rekstrarsamningi.

Afstaða til erindis Sigurhæðar verður tekin þegar drög að rekstrarsamningi liggja fyrir.

Á 447. fundi bæjarráðs, 1. júní 2016, var lagt fram erindi Leyningsáss ses. þar sem óskað er eftir viðræðum við Fjallabyggð um annarsvegar aðgerðir til að fyrirbyggja frekara tjón á nýjum golfvelli í Hólsdal vegna lausagöngu sauðfjár og hinsvegar lokun malarvegar inn á vallarsvæðið við Skarðsveg fyrir almennri umferð vélknúinna ökutækja.
Bæjarráð fól bæjarstjóra að svara erindinu.

Bæjarstjóri kynnti svarbréf sitt.

Bæjarstjóri upplýsti bæjarráð um mengunartilvik í Siglufjarðarhöfn 27. maí s.l.

Það ástand sem skapaðist er ótækt og beðið er eftir skýrslu Heilbrigðiseftirlits Norðurlands vestra varðandi málið.

Lagt fram mánaðarlegt launayfirlit fyrir maí 2016.

Niðurstaðan fyrir heildina er 436,0 m.kr. sem er 100,9% af áætlun tímabilsins sem var 432,1 m.kr.
Sumar deildir eru yfir áætlun tímabilsins samtals um 18,1 m.kr. á móti öðrum deildum sem eru undir áætlun, samtals um 14,2 m.kr.
Nettóniðurstaða er því 3,9 m.kr. yfir áætlun tímabilsins.
Aðal skýring á stöðu deilda umfram áætlun tengist breytingum í kjölfar síðustu kjarasamningum og þarf að uppfæra launaáætlun miðað við þá.

Samninganefndir Sambands íslenskra sveitarfélaga og Félags Grunnskólakennara, undirrituðu nýjan kjarasamning mánudagskvöldið 30. maí.

Verði samningurinn samþykktur mun hann gilda frá 1. júní 2016 til 31. mars 2019.

Nú standa yfir kynningar á kjarasamningnum og atkvæðagreiðsla um þá. Niðurstaða atkvæðagreiðslu mun liggja fyrir 9. júní n.k.

Lagt fram til kynningar.

Tekið fyrir áður frestuðu erindi Björgunarsveitarinnar Strákar, Siglufirði þar sem óskað er eftir niðurfellingu á gjöldum vegna stöðuleyfis gáma.

Bæjarráð hafnar fram kominni ósk og bendir björgunarsveitinni á að sækja um styrk innan tilskilins tíma við gerð fjárhagsáætlunar.

Tekin fyrir beiðni um aðkomu vinnuskólans að kirkjuvörslu í Siglufjarðarkirkju yfir sumarmánuðina.
með sambærilegum hætti og á síðasta ári.

Bæjarráð felur deildarstjóra stjórnsýslu og fjármála að kanna kostnað og nánari útfærslu.

Lagðar fram til kynningar upplýsingar frá heilbrigðisfulltrúa varðandi brot á
IV. kafla reglugerðar um hollustuhætti nr. 941/2002 og 16 gr. reglugerðar um meðhöndlunar úrgangs nr. 737/2003, er tengist S1 á Ólafsfirði.

Lagðar fram til kynningar samantekt Eyþings um niðurstöður ráðstefnu um úrgangsmál 2. maí s.l.

Lagðar fram til kynningar upplýsingar frá Símanum um að búið væri að setja uppp 4G farsímasendi í Ólafsfirði og því komið á 4G samband, bæði í Siglufirði og Ólafsfirði.

Bæjarráð fagnar framtakinu.

Lagt fram til kynningar svarbréf Vegagerðar, dagsett 30. maí 2016, við bréfi slökkviliðsstjóra til Vegagerðarinnar.

Bæjarráð felur bæjarstjóra að senda Vegagerðinni, Akureyri, afrit af bréfinu með ósk um úrbætur.

Lagt fram til kynningar bréf frá Velferðarráðuneytinu, dagsett til 2. júní 2016, til sveitarstjóra, félagsmálastjóra og forsvarsmanna þjónustusvæða fyrir fatlað fólk vegna orlofsmála fatlaðs fólks.

Bæjarráð vísar erindinu til deildarstjóra félagsmála til afgreiðslu.

Umhverfis- og samgöngunefnd Alþingis sendir til umsagnar frumvarp til laga um timbur og timburvöru, 785. mál.

Lagt fram.

Lögð fram til kynningar fundargerð 280. fundar stjórnar Eyþings frá 11. maí 2016.

Lögð fram til kynningar fundargerð 839. fundar stjórnar Sambands íslenskra sveitarfélaga, frá 27. maí 2016.

Lögð fram til kynningar eftirfarandi fundargerð:

99. fundur félagsmálanefndar frá 31. maí 2016.