Bæjarráð Fjallabyggðar

Innanríkisráðuneytið sendir bréf dags. 13. nóvember 2014. Óskað er eftir upplýsingum um snjómokstur í þéttbýli á snjóþungum svæðum.
Bæjarráð samþykkir að fela bæjarstjóra og deildarstjóra tæknideildar að svara erindinu.

Samstarf Mæðrastyrksnefnda á Akureyri, Hjálparsstarfs kirkjunnar, Hjálpræðishersins á Akureyri og Rauða krossins við Eyjafjörð er að hefja fjáröflun vegna jólaaðstoðar eins og undanfarin ár og óska eftir styrk hjá Fjallabyggð.
Bæjarráð samþykkir að hafna ósk um styrk.

Lagt fram bréf frá Félagi eldri borgara á Siglufirði dags. 19. nóvember 2014. Þar er m.a. vakin athygli á því að kostnaður við upphitun húsa er mun hærri á Siglufirði en í Ólafsfirði og að munur er á fasteignamati milli byggðakjarna.

Bæjarráð þakkar fram komnar ábendingar og vill koma á framfæri að Samband íslenskra sveitarfélaga og Jöfnunarsjóður eru að vinna að tillögum um breytingu á álagningu fasteignagjalda til að jafna álögur á íbúa.
Íbúar byggðakjarna kaupa vatn til húshitunar af sitthvoru fyrirtækinu á sitthvorri gjaldskránni.

Lögð fram tilkynning og bréf frá 21.11.2014 um að Vinnumálastofnun mun ekki framlengja þjónustusamning dags. 23. september 2012 en óskar eftir viðtalsaðstöðu án endurgjalds.

Bæjarráð óskar eftir því að þessi ákvörðun verði endurskoðuð í ljósi þess að atvinnuleitendur þurfa á þjónustu og aðstoð að halda.

Bæjarstjóri sótti fund um málefni hjúkrunarheimila miðvikudaginn 26. nóvember í Reykjavík.
Lögð fram fundargerð þar sem til umfjöllunar voru m.a.
1. Endurskoðun daggjalda og gerð þjónustusamninga.
2. Gagnaöflun og upplýsingagjöf um málefni hjúkrunarheimila.
3. Uppgjör lífeyrisskuldbindinga.
4. Samningur um leiguleið.
5. Samantekt um niðurstöður fundarins.
Áhersla er lögð á að Samband íslenskra sveitarfélaga beiti sér varðandi endurskoðun daggjalda og gerð þjónustusamninga. Farið verði fram á formlega kostnaðargreiningu á lágmarkskröfum ríkisins og húsnæðiskostnaði komið inn í fjármögnunarmódel skv. daggjöldum þar sem það á við. Fundarmenn myndi bakhóp fyrir sambandið og Samtaka fyrirtækja í velferðarþjónustu í viðræðum þessara aðila við ráðuneytin.
Varðandi gagnaöflun og upplýsingamiðlun mun sambandið ræða við Ríkisendurskoðun um að fá aðgang að gagnagrunni embættisins. Bakhópurinn verður upplýstur um framvindu málsins.
Sambandið mun þrýsta á tilnefningar í nefnd sem fari yfir uppgjör lífeyrisskuldbindinga á grundvelli þess fordæmis sem komið er í samkomulagi Samtaka fyrirtækja í velferðarþjónustu og fjármálaráðuneytis.
Bakhópurinn mun vakta hvernig grunnforsendur í samningum um leiguleiðina þróast með það fyrir augum að öll hlutaðeigandi sveitarfélög njóti þess ef viðmið þróast á hagstæðan hátt.

Lagt fram bréf dagsett 25. nóvember 2014, frá Sýslumanninum á Siglufirði þar sem kynnt eru aðilaskipti að jörðinni Hreppsendaá Ólafsfirði.
Um er að ræða kaup Guðjóns Þórðarsonar á jörðinni úr dánarbúi í opinberum skiptum.

Málinu frestað.

Tillaga lögð fram til kynningar.

Tillaga lögð fram til kynningar.

Tillaga lögð fram til kynningar.

Tillaga lögð fram til kynningar.

Niðurstaða bæjarráðs er skráð sem trúnaðarmál í skjalakerfi bæjarfélagsins.