Bæjarráð Fjallabyggðar

Tekið til afgreiðslu erindi er var frestað á 187. fundi bæjarráðs. Lóðarhafar að Hávegi 43, Siglufirði vilja kanna hvort sveitarfélagið sé tilbúið til kaupa á lóðarréttindum Hávegar 43 Siglufirði, þar sem varnargarður er nálægt umræddri lóð.
Bæjarráð telur ekki ástæðu til kaupa á umræddum lóðarréttindum.

Bæjarstjóri kynnti fund sem hann átti með fulltrúum Þjóðlagaseturs sr. Bjarna Þorsteinssonar um stöðu safnsins og lagðar fram upplýsingar um sögu, rekstur og framtíðarstefnu.
Í ljósi þess að á árinu 2011 eru 150 ár frá fæðingu sr. Bjarna Þorsteinssonar, samþykkir bæjarráð óbreytt framlag frá fyrra ári að upphæð 1 milljón á fjárhagsáætlun 2011.

Farið yfir breytingar við fjárhagsáætlun.

Bæjarráð samþykkir að fela frístunda- og fræðslunefnd að útfæra og skipuleggja upptöku frístundakorts hjá sveitarfélaginu.

Bæjarráð samþykkir óbreytt rekstrarframlag til golfklúbbanna vegna 2011.
Bæjarráð samþykkir að skipa þriggja manna nefnd til að koma með tillögur um framtíðarfyrirkomulag rekstrar og uppbyggingar golfvalla í sveitarfélaginu. Nefndina skipa Sigurður Valur Ásbjarnarson, Ólafur H. Marteinsson og Bjarkey Gunnarsdóttir. Boðað verði til fundar með forsvarsmönnum golfklúbbanna strax í janúar.

Bæjarráð samþykkir að vísa tillögu að 3ja ára áætlun 2012-2014 til fyrri umræðu í bæjarstjórn.
Gert er ráð fyrir síðari umræðu 12. janúar 2011.

Lagðir fram til kynningar minnispunktar frá fundi með fulltrúum sveitarfélaga við Eyjafjörð um förgun dýra- og sláturúrgangs.

Lögð fram til kynningar áskorun Bandalags starfsmanna ríkis og bæja til sveitarstjórnafulltrúa um að verja velferð barna og fjölskyldna við gerð fjárhagsáætlunar.

Fundargerð lögð fram til kynningar.

Fundargerð lögð fram til kynningar.