Bæjarráð Fjallabyggðar

Lagt er fram yfirlit yfir umsóknir um rekstrarstyrki til safna og setra og umbeðin umsögn markaðs- og menningarnefndar frá 82. fundi nefndarinnar, einnig er lögð fram tillaga að afgreiðslu einstakra erinda.

Lagt er fram yfirlit yfir umsóknir um styrki til hátíðarhalda í Fjallabyggð 2022 og umbeðin umsögn markaðs- og menningarnefndar frá 82. fundi nefndarinnar, einnig er lögð fram tillaga að afgreiðslu einstakra erinda.

Lagt fram til kynningar yfirlit staðgreiðslu fyrir tímabilið janúar til desember. Staðgreiðsla fyrir tímabilið nemur kr. 1.255.763.987,- eða 102,13% af tímabilsáætlun 2021.

Lögð fram drög að fundadagatali bæjarstjórnar, ráða og nefnda vegna 2022.

Lagt er fram erindi íbúa við Hafnartún 8 og 10 á Siglufirði dags. 28. október 2021. Í erindinu er óskað upplýsinga um stöðu athugunar tæknideildar á tilhögun og verklagi við snjómokstur með tilliti til snjósöfnunar á auðum lóðum við Laugarveg. Einnig er í erindinu bent á tvo möguleika, annars vegar að hætt verði að ryðja snjó inn á lóð ofan við hús bréfritara og hins vegar að lögð verði drenlögn neðarlega á umræddri lóð sem tæki við vatni þegar uppsafnaður snjór bráðnar. Einnig er lagt fram vinnuskjal deildarstjóra tæknideildar hvar fram kemur að verklagi við snjómokstur verði breytt með þeim hætti að lóðin ofan við Hafnartún 8 - 16 (Laugarvegur 29) verði ekki notuð sem snjósöfnunarstaður. Fyrirkomulagið verði tímabundið og með það markmið að ganga úr skugga um hvort bleyta í lóðum við Hafnartún 8 - 16 stafi af snjósöfnun á vegum bæjarins á lóðinni.

Lögð eru fram drög að samningi Fjallabyggðar og Skíðafélags Ólafsfjarðar til eins árs um rekstur skíðamannvirkja í eigu Fjallabyggðar í Ólafsfirði fyrir árið 2022.

Niðurstaða færð í trúnaðarbók.

Lagt er fram vinnuskjal deildarstjóra tæknideildar dags. 4. janúar 2022, í vinnuskjalinu óskar deildarstjóri heimildar bæjarráðs til að bjóða út eftirfarandi verkefni.

1. Suðurgata 2-4, félagsmiðstöðin Neon

2. Íþróttamiðstöð Siglufirði, viðbygging

3. Íþróttamiðstöð Ólafsfirði, endurnýjun búningsklefa

4. Tjaldsvæðahús, Ólafsfirði

Lagt er fram erindi Ásgeirs Frímannssonar dags. 20. desember 2021. Í erindinu er óskað heimildar til að halda snjókrosskeppni í samstarfi við Kappakstursklúbb Akureyrar (KKA) í Ólafsfirði helgina 26. til 27. febrúar nk. Keppnin yrði haldin innanbæjar, ef snjóalög leyfa, líkt og gert var á árunum 2000 til 2009. Keppt verður í fimm flokkum, þ.e. í byrjenda-, kvenna-, sport-, og próflokki.

Lagt er fram erindi Maríu Bjarkar Ingvarsdóttur f.h. N4 dags. 17. desember 2021 ásamt ályktun N4 vegna tillagna fjárlaganefndar um niðurskurð á styrkjum til einkarekinna fjölmiðla. Efni erindis er að óska eftir fjárstuðningi 11 sveitarfélaga í fjórðungnum. Nefnt er að tilefni erindis sé ekki síst sú staðreynd að Akureyrarbær hafi sagt upp samningi við félagið og að nokkur fyrirtæki hafi sýnt áhuga á að leggja málinu lið með jafnhárri upphæð og sveitarfélögin sem erindið fengu leggi til verkefnisins. Markmið félagsins er að efna til samstarfs að lágmarki fimm sveitarfélög en helst allra ellefu sem erindið fengu og að markmið verkefnisins sé að safna 16 milljónum sem nýtist til að auka sýnileika svæðisins með stöðugri þáttagerð, gerð kynningarefnis og fleiru.

Lagt er fram bréf Atvinnuvega- og nýsköpunarráðuneytisins dags. 21. desember 2021 er varðar úthlutun byggðakvóta til byggðarlaga fiskveiðiárið 2021/2022. Í bréfinu er sveitarfélaginu gefin frestur til 21. janúar n.k. til að senda ráðuneytinu tillögur um sérreglur vegna úthlutunar. Einnig eru lagðar fram leiðbeiningar ráðuneytisins um sérreglur byggðakvóta og auglýsing fyrra fiskveiðiárs varðandi sérreglur.

Lögð fram til kynningar ársskýrsla persónuverndar vegna 2020.

Bæjarstjóri lagði fram til kynningar yfirlit yfir áætlaðar tímasetningar útboða ársins og verklok einstakra verkefna ársins. Einnig fór bæjarstjóri yfir opinn fund sem hann ásamt deildastjóra tæknideildar héldu með verktökum og öðrum áhugasömum og lagði fram til kynningar slæðusýningu frá fundinum. Fundurinn var mjög góður og stefnt er að því að gera hann að árlegum viðburði að aflokinni samþykkt fjárhagsáætlunar.

Lagðar fram til kynningar fundargerðir 7. og 8. fundar svæðisskipulagsnefndar Eyjafjarðar.

Lögð fram til kynningar fundargerð 32. fundar stjórnar SSNE

Lögð fram til kynningar fundargerð 64. fundar stjórnar Samtaka sjávarútvegssveitarfélaga.