Bæjarráð Fjallabyggðar

Í erindi sóknarnefndar Ólafsfjarðarkirkju, er mótmælt gjöldum sveitarfélagsins fyrir grafartökur og vísað til óskriflegs samkomulags milli bæjaryfirvalda í Ólafsfirði og sóknarnefndar um að bæjarstarfsmenn tækju grafir í kirkjugarðinum án greiðslu í stað afnota af kirkju fyrir ýmsa viðburði.
Bæjarráð samþykkir að veita styrk á móti útgefnum reikningum, jafnframt leggur bæjarráð til að annað fyrirkomulag verði tekið upp frá og með 1. júlí 2010.

Fyrir bæjarráði liggja drög að samningi við Íslenska gámafélagið um urðun sorps sem fellur til frá heimilum og hefur verið flokkað til urðunar á gámasvæðum Fjallabyggðar.
Bæjarráð samþykkir fyrirliggjandi samning og felur bæjarstjóra að undirrita.

Lánasjóður sveitarfélaga óskar eftir því í erindi sínu að Fjallabyggð veiti almenna heimild fyrir því að lánasjóðurinn birti upplýsingar um stöðu lána sveitarfélagsins hjá sjóðnum.
Bæjarráð samþykkir að vísa yfirlýsingu um birtingu fjármálaupplýsinga, til staðfestingar bæjarstjórnar.

Sigurjón Magnússon ehf. bíður til kaups slökkvibifreið, Man. 8.153 4x2 árgerð 1996, með möguleika á að taka upp í JCB traktorsgröfu sveitarfélagsins.
Sem fyrr er ekki áhugi fyrir kaupum á þessarri slökkvibifreið.

Ráðstefna fyrir stjórnendur sveitarfélaga um leiðir til að fyrirbyggja og bregðast við veikindum starfsmanna, verður haldin þriðjudaginn 2. mars.

Bæjarráð samþykkir að fulltrúi sveitarfélagsins sæki ráðstefnuna.

Lögð fram breytingartillaga við 3ja ára áætlun, þar sem gert er ráð fyrir að útsvarstekjur séu óbreyttar í stað lækkunar, ásamt aukinni fjárfestingu.
Bæjarráð samþykkir breytingatillöguna og vísar 3ja ára áætlun svo breyttri til síðari umræðu í bæjarstjórn.

Lagt fram til kynningar launayfirlit launadeildar sveitarfélagsins vegna janúar.

Fundur um eflingu sveitarstjórnarstigsins verður haldinn á Akureyri mánudaginn 15. febrúar.

Fundargerð lögð fram til kynningar.