Salernisaðstaða í Skarðsdalsskógi Siglufirði

Fram hefur komið hugmynd um að skoða möguleika á uppsetningu á salernishúsi í Skarðsdalsskógi sem nýta mætti fyrir útivistafólk á svæðinu. Fram hefur komið, m.a. hjá Skógræktarfélagi Siglufjarðar, að mikil þörf sé fyrir slíka aðstöðu. Markaðs- og menningarfulltrúi kynnti mögulega útfærslu verkefnisins og hvaða styrkleiðir eru mögulegar til slíks verkefnis s.s. hjá Framkvæmdarsjóði ferðamannastaða.

Með fundarboði fylgir bókun frá 115. fundi markaðs- og menningarnefndar, 20.2.2025, þar sem nefndin vísar hugmynd að uppsetningu á salernisaðstöðu í Skarðsdalsskógi sem nýta mætti fyrir útivistarfólk á svæðinu til umfjöllunar í bæjarráði. Í bókun nefndarinnar kemur fram að þörf á slíkri aðstöðu sé til staðar og að henni hafi verið komið á framfæri við sveitarfélagið. Á fundi nefndarinnar kynnti markaðs- og menningarfulltrúi mögulega útfærslu verkefnisins og hvaða styrkleiðir eru mögulegar til slíks verkefnis s.s. hjá Framkvæmdasjóði ferðamannastaða.