Innviðir vatnsveitu í Ólafsfirði

Lagt fram til kynningar. Minnisblaðinu er vísað til skipulags- og umhverfisnefndar og starfshóps um fjárfestingar, framkvæmdir og viðhald á vegum Fjallabyggðar.

Bæjarráð felur bæjarstjóra að láta taka saman stöðuyfirlit yfir núverandi afkastagetu og stækkunarmöguleika veitna á vegum veitustofnanna í Fjallabyggð og leggja fyrir starfshóp um fjárfestingar og viðhald. Nú þegar liggur fyrir minnisblað um stöðugreiningu og stækkunarmöguleika vatnsveitunnar í Ólafsfirði og því eðlilegt næsta skref að framkvæma álíka greiningu fyrir aðrar veitur í sveitarfélaginu.

Ljóst er að núverandi ástand er komið að þolmörkum og takmarkar mjög möguleika sveitarfélagsins og atvinnulífsins í því til framþróunar og vaxtar.

Í ljósi ástands hitaveitunnar í Ólafsfirði þá hyggjast bæjarstjóri og bæjarráð halda fund með forsvarsmönnum Norðurorku í næstu viku til þess að fara yfir ástandið, mögulegt viðbragð og framtíðaráætlanir fyrirtækisins.