Ósk um breytingar á skipulagi Þormóðseyrar og hafnarsvæðis á Siglufirði.

Lagt fram erindi Sigríðar Vigdísar Vigfúsdóttur, f.h. Primex ehf., dags. 03.06.2021 þar sem óskað er eftir breytingum á skipulagi Þormóðseyrar og hafnarsvæðis á Siglufirði er varða skipulagsmál við Óskarsgötu.

Lögð er fram umsögn deildarstjóra tæknideildar dags. 4. nóvember 2021, umsögnin er unnin í framhaldi af beiðni bæjarráðs frá 699. fundi ráðsins. Í umsögninni leggur deildarstjóri til að farið verði í breytingu á gildandi deiliskipulagi með þeim hætti að útvíkka mörk þess til austurs þ.e. að mörkum hafnarsvæðis. Einnig er lagt til að inn á stækkað deiliskipulagssvæði verði sett gata sem hljóti nafnið Óskarsgata og verði hún m.a. aðkoma að lóð Primex.

Lögð fram tillaga, dags. 7. janúar 2022, að breyttu deiliskipulagi. Tillagan felur í sér breytingar á Óskarsgötu, Tjarnargötu, Ránargötu og Þormóðsgötu, Siglufirði.

Lögð fram að nýju tillaga að óverulegri breytingu á deiliskipulagi Þormóðseyri - Athafnasvæði frá 21. janúar 2014. Breytingin felur í sér að skipulagsmörkum er breytt lítillega til austurs, þannig að hluti Óskarsgötu verður innan skipulagssvæðisins. Lóðin Tjarnargata 22 breytist í lóðina Óskarsgötu 7, stærð lóðar óbreytt. Lóðin Ránargata 1 skiptist upp í tvær lóðir, Ránargötu 1 og Þormóðsgötu 2. Lóðin Ránargata 3 skiptist upp í tvær lóðir, Ránargötu 3 og Þormóðsgötu 4, einnig settir fram skilmálar um hámarks gólfflatarmál aðalhæða á byggingarlóðunum. Engar athugasemdir voru gerðar við tillöguna sem grenndarkynnt var hagsmunaaðilum í samræmi við 2. mgr. 43. gr. skipulagslaga nr. 123/2010.