Beiðni um aðkomu að afmæli Ólafsfjarðarkaupstaðar

Lagt er fram erindi Idu Semey f.h. Markaðsstofu Ólafsfjarðar dags. 25. júní 2021, efni erindis er að kanna hvort sveitarfélagið vilji styrkja viðburð á vegum Markaðsstofunnar og Pálshúss á viðlíka forsendum og voru uppi á síðasta ári þegar meiningin var að halda upp á 75 ára afmæli Ólafsfjarðar.

Lögð er fram umsögn deildarstjóra fræðslu-, frístunda- og menningarmála dags. 13. júlí 2021, umsögnin er unnin í framhaldi af afgreiðslu bæjarráðs á 702. fundi ráðsins. Í umsögn kemur fram að ekki sé gert ráð fyrir fjármagni í fjárhagsáætlun 2021 til hátíðarhalda í tengslum við 75 ára afmælis Ólafsfjarðar og því sé erfitt að verða við erindi Markaðsstofunnar en lagt til að leitað verði eftir hugmyndum Markaðsstofu Ólafsfjarðar um svokallaða „pop up“ viðburði sem tengja mætti eða tileinka áðurnefndum tímamótum.