Bæjarráð Fjallabyggðar - 624. fundur - 15. október 2019

Málsnúmer 1910004F

Vakta málsnúmer

Bæjarstjórn Fjallabyggðar - 178. fundur - 21.11.2019

  • .1 1901070 Viðauki við fjárhagsáætlun 2019
    Bæjarráð Fjallabyggðar - 624. fundur - 15. október 2019 Lagt fram vinnuskjal deildarstjóra stjórnsýslu- og fjármáladeildar, dags. 10.10.2019 þar sem lagður er fram viðauki nr.17/2019 við fjárhagsáætlun 2019. Viðaukinn varðar útdeilingu launapotts vegna veikinda og kjarasamningshækkana/eingreiðslna við deild 21600. Áhrif útdeilingar launapotts á rekstrarniðurstöðu Fjallabyggaðar hreyfir ekki handbært fé.

    Bæjarráð samþykkir viðauka nr.17/2019 og vísar honum til umfjöllunar og afgreiðslu bæjarstjórnar.     Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .2 1909068 Minningagarðar
    Bæjarráð Fjallabyggðar - 624. fundur - 15. október 2019 Á 622. fundi bæjarráðs óskaði ráðið eftir umsögn deildarstjóra tæknideildar vegna erindis Sigríðar Bylgju Sigurjónsdóttur fh. Trés lífsins, dags. 20.09.2019 þar sem óskað er eftir afstöðu sveitarfélagsins til opnunar Minningagarðs í sveitarfélaginu.

    Lagt fram vinnuskjal deildarstjóra tæknideildar, dags. 14.10.2019 þar sem fram kemur að ekki er gert ráð fyrir Minningagarði í aðalskipulagi sveitarfélagsins og lagt til að erindið verði sent sóknarnefndum til umsagnar.

    Bæjarráð samþykkir að senda erindið á sóknarnefndir í Fjallabyggð til umsagnar.
    Bókun fundar Til máls tóku Helgi Jóhannsson og Ingibjörg Guðlaug Jónsdóttir.

    Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .3 1910025 Staða framkvæmda hjá Fjallabyggð 2019
    Bæjarráð Fjallabyggðar - 624. fundur - 15. október 2019 Lagt fram ársfjórðungsyfirlit yfir stöðu framkvæmda í október 2019 samkvæmt beiðni eftirlitsnefndar sveitarfélaga.
    Framkvæmdir eru innan heimildar fjárhagsáætlunar 2019.     Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .4 1910014 Skógræktarfélag Ólafsfjarðar- Grindarhlið
    Bæjarráð Fjallabyggðar - 624. fundur - 15. október 2019 Lagt fram erindi Önnu Maríu Guðlaugsdóttur fh. Skógræktarfélags Ólafsfjarðar, dags 04.10.2019 þar sem óskað er eftir því að grindarhlið neðan Hornbrekku, Ólafsfirði verði fært til suðurs að afleggjara upp að Hlíð.

    Bæjarráð samþykkir að fela bæjarstjóra og deildarstjóra tæknideildar að taka upp viðræður við Vegagerðina varðandi tilfærslu á grindarhliði neðan Hornbrekku.
     Bókun fundar Til máls tóku Helgi Jóhannsson og Gunnar Ingi Birgisson.

    Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .5 1910015 Haustráðstefna FENÚR 17. október
    Bæjarráð Fjallabyggðar - 624. fundur - 15. október 2019 Lagt fram til kynningar erindi Fenúr, fagráðs um endurnýtingu úrgangs, dags. 07.10.2019 þar sem fram kemur að haustráðstefna Fenúr verður haldin fimmtudaginn 17. október nk. á Hótel Örk eftir hádegi. Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .6 1910018 Skólaþing sveitarfélaga 2019 - Á réttu róli?
    Bæjarráð Fjallabyggðar - 624. fundur - 15. október 2019 Lagt fram erindi Svandísar Ingimundardóttur fh. Sambands íslenskra sveitarfélaga, dags. 08.10.2019 þar sem fram kemur að skólaþing sveitarfélaga verður haldið á Grand hótel Reykjavík 4. nóv. nk. Megináhersla þingsins verður á framtíðarskipan skólakerfisins og því velt upp hvernig núverandi skipan þess og framkvæmd skilar nemendum til að takast á við framtíðaráskoranir. Leitað var til ungmennaráða sveitarfélaga í þessu skyni og fengu þau sendar til sín spurningar til umfjöllunar. Til baka hafa komið margar góðar tillögur og hugmyndir, sem kynntar verða á skólaþinginu.

    Bæjarráð samþykkir að vísa erindinu til deildarstjóra fræðslu-, frístunda- og menningarmála.
     Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .7 1910021 Framlög til stjórnmálasamtaka á árinu 2018
    Bæjarráð Fjallabyggðar - 624. fundur - 15. október 2019 Lagt fram til kynningar erindi Guðrúnar Jennýjar Jónsdóttur fh. Ríkisendurskoðunar, dags. 10.10.2019 þar sem fram kemur að með lögum nr. 139/2018 hafi verið gerðar breytingar á lögum nr. 162/2006, um fjármál stjórnmálasamtaka og frambjóðenda og um upplýsingaskyldu þeirra. Með breytingalögunum var kveðið á um að sveitarfélögum sé skylt að veita stjórnmálasamtökum sem fengið hafa a.m.k. einn mann kjörinn í sveitarstjórn eða hlotið a.m.k. 5% atkvæða í næstliðnum sveitarstjórnarkosningum árleg fjárframlög til starfsemi sinnar sbr. 1. mgr. 5. gr. laga nr. 162/2006. Skilyrði úthlutunar er að stjórnmálasamtökin hafi uppfyllt upplýsingaskyldu sína við ríkisendurskoðanda.
    Þá kemur fram í 2. mgr. 5. gr. laga nr. 162/2006 að á því ári sem sveitarstjórnarkosningar eru skuli úthlutun framlaga fara fram á þann hátt að stjórnmálasamtök fái framlög fyrir síðari hluta þess árs í samræmi við kjörfylgi í ný afstöðnum kosningum.
    Ríkisendurskoðun óskar eftir því að sveitarfélagið upplýsi um framlög sveitarfélagsins til stjórnmálasamtaka á árinu 2018. Á yfirlitinu þarf að koma fram nafn stjórnmálasamtaka, fjárhæð, nafn, símanúmer og netfang hjá fyrirsvarsmanni viðkomandi stjórnmálasamtaka. Umbeðið yfirlit óskast sent eigi síðar en 24. október 2019.
    Þá er jafnframt áréttað að sveitarfélaginu ber skylda til við greiðslu framlaga á árinu 2019 að ganga úr skugga um að viðkomandi stjórnmálasamtök hafi staðið skil á ársreikningum til Ríkisendurskoðunar í samræmi við ákvæði 8. og 9. gr.laga nr. 162/2006.

    Bæjarráð samþykkir að fela deildarstjóra stjórnsýslu- og fjármála að svara erindinu.
     Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .8 1910020 Frá nefndasviði Alþingis - 53. mál til umsagnar
    Bæjarráð Fjallabyggðar - 624. fundur - 15. október 2019 Lagt fram til umsagnar erindi Efnahags- og viðskiptanefndar Alþingis, dags. 10.10.2019 um frumvarp til laga um breytingu á lögum um verslun með áfengi og tóbak, nr. 86/2011 (staðsetning áfengisverslunar), 53. mál. Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .9 1910027 Til umsagnar 35. mál frá nefndasviði Alþingis
    Bæjarráð Fjallabyggðar - 624. fundur - 15. október 2019 Lagt fram til umsagnar erindi Velferðarnefndar Alþingis, dags. 11.10.2019 um tillögu til þingsályktunar um orlofshúsnæði örorkulífeyrisþega, 35. mál. Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .10 1910026 Frá nefndasviði Alþingis - 41. mál til umsagnar
    Bæjarráð Fjallabyggðar - 624. fundur - 15. október 2019 Lagt fram til umsagnar erindi Velferðarnefndar Alþingis, dags. 11.10.2019 um tillögu til þingsályktunar um búsetuöryggi í dvalar- og hjúkrunarrýmum., 41. mál. Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.
  • .11 1901027 Fundargerðir ALMEY - 2019
    Bæjarráð Fjallabyggðar - 624. fundur - 15. október 2019 Lögð fram fundargerð Almannavarnarnefndar Eyjafjarðar frá 08.10.2019.

    Bæjarráð samþykkir lið nr.2 í fundargerðinni og vísar til gerðar fjárhagsáætlunar 2020.
    Bæjaráð samþykkir einnig að fresta lið nr.1 þar til verklagsreglur og samþykktir liggja fyrir.     Bókun fundar Afgreiðsla 624. fundar bæjarráðs staðfest á 178. fundi bæjarstjórnar með 7 atkvæðum.