Félagsmálanefnd Fjallabyggðar - 119.fundur - 23. maí 2019

Málsnúmer 1905010F

Vakta málsnúmer

Bæjarstjórn Fjallabyggðar - 175. fundur - 12.06.2019

  • .1 1902057 Sameiginlegur fundur félagsmálanefndar Fjallabyggðar og félagsmálaráð Dalvíkurbyggðar
    Félagsmálanefnd Fjallabyggðar - 119.fundur - 23. maí 2019 Félagsmálanefnd Fjallabyggðar sendi félagsmálaráði Dalvíkurbyggðar erindi dags. 12. febrúar 2019 þar sem ráðinu er boðið til sameiginlegs fundar. Félagsmálaráð Dalvíkurbyggðar tók erindið fyrir á fundi sínum 14. mars og þáði boðið með þökkum. Tilgangur fundarins er að ræða sameiginleg verkefni á sviði félagsþjónustu sveitarfélaganna með áherslu á málefni fatlaðs fólks. Fundinn sátu auk félagsmálanefndar Fjallabyggðar: Lilja Guðnadóttir, Felix Jósafatsson, Gunnar Eiríksson og Katrín Sif Ingvarsdóttir. Auk þess sátu fundinn Eyrún Rafnsdóttir, félagsmálastjóri og Þórhalla Karlsdóttir, þroskaþjálfi. Bókun fundar Afgreiðsla 119. fundar félagsmálanefndar Fjallabyggðar staðfest á 175. fundi bæjarstjórnar með 7 atkvæðum.
  • .2 1603096 Samstarfssamningur Dalvíkurbyggðar og Fjallabyggðar um málefni fatlaðra 2016
    Félagsmálanefnd Fjallabyggðar - 119.fundur - 23. maí 2019 Félagsmálastjóri Dalvíkurbyggðar, Eyrún Rafnsdóttir og deildarstjóri fjölskyldudeildar Fjallabyggðar kynntu samstarfssamning sveitarfélaganna um þjónustu við fatlað fólk. Markmið samningsins er að samþætta þjónustu við fötluð börn og fullorðna í Dalvíkurbyggð og Fjallabyggð, færa þjónustuna nær notendum og auðvelda þannig aðgang að henni. Framkvæmd samningsins er í höndum félagsþjónustum Dalvíkurbyggðar og Fjallabyggðar. Fagleg samhæfing er í höndum fagteymis sem skipaður er stjórnendum og starfsmönnum félagsþjónustu sveitarfélaganna. Í samstarfssamningum er einnig fjallað um hvaða þjónustu sveitarfélögin skulu veita, fjármögnun, útgjöld og gildistími samstarfs. Þjónustuteymið er skipað af félagsmálastjórunum og ráðgjöfunum á hvoru svæði fyrir sig. Samningurinn hefur verið í gildi síðan 2016 og eru aðilar sammála um að vel hafi tekist til með framkvæmd samningsins. Bókun fundar Afgreiðsla 119. fundar félagsmálanefndar Fjallabyggðar staðfest á 175. fundi bæjarstjórnar með 7 atkvæðum.
  • .3 1903001 Notendaráð fatlaðs fólks
    Félagsmálanefnd Fjallabyggðar - 119.fundur - 23. maí 2019 Lögð fram tillaga þjónustuteymis fatlaðra, Dalvíkurbyggðar og Fjallabyggar um sameiginlegt notendaráð fatlaðs fólks á þjónustusvæði Fjallabyggðar og Dalvíkurbyggðar. Í lögum um félagsþjónustu sveitarfélaga segir í 2.mgr.42.gr.að í hverju sveitarfélagi eða í sveitarfélögum sem eigi samstarf um þjónustu við fatlað fólk, skuli starfa formlegur samráðsvettvagur er nefnist samráðshópur um málefni fatlaðs fólks þar sem fjallað er um þjónustu við fatlað fólk og framkvæmd og þróun þjónustunnar. Í samráðshópnum skulu að lágmarki sitja þrír fulltrúar kosnir af sveitarstjórn og þrír fulltrúar tilnefndir af hagsmunasamtökum fatlaðs fólks.
    Fundurinn samþykkir einróma að leggja til við bæjarstjórn Dalvíkurbyggðar og bæjarstjórn Fjallabyggðar að sveitarfélögin standi sameiginlega að myndun notendaráðs fyrir fatlað fólk á þjónustusvæði sveitarfélaganna, sbr. 2.mgr.42.gr. laga nr. 40/1991. Tillaga fundarins er að hvort sveitarfélag fyrir sig skipi tvo kjörna fulltrúa í ráðið og auglýst verði eftir einstaklingum í setu í notendaráði, tveimur fulltrúum frá hvoru sveitarfélagi. Alls yrðu þá 8 einstaklingar í notendaráðinu.     Bókun fundar Afgreiðsla 119. fundar félagsmálanefndar Fjallabyggðar staðfest á 175. fundi bæjarstjórnar með 7 atkvæðum.
  • .4 1905055 Þjónusta við eldri borgara í Fjallabyggð
    Félagsmálanefnd Fjallabyggðar - 119.fundur - 23. maí 2019 Deildarstjóri félagsmáladeildar Fjallabyggðar sagði frá þjónustu við eldri borgara í Fjallabyggð. Bókun fundar Afgreiðsla 119. fundar félagsmálanefndar Fjallabyggðar staðfest á 175. fundi bæjarstjórnar með 7 atkvæðum.