Fræðslu- og frístundanefnd Fjallabyggðar - 66

Málsnúmer 1901009F

Vakta málsnúmer

Bæjarstjórn Fjallabyggðar - 170. fundur - 23.01.2019

  • .1 1901067 Jafnréttisstefna Grunnskóla Fjallabyggðar
    Fræðslu- og frístundanefnd Fjallabyggðar - 66. fundur - 22. janúar 2019 Helena H. Aspelund fulltrúi kennara Grunnskóla Fjallabyggðar sat undir þessum lið.
    Jafnréttisáætlun Grunnskóla Fjallabyggðar lögð fram til kynningar. Fræðslu- og frístundanefnd felur deildarstjóra fræðslu-, frístunda- og menningarmála að koma athugasemdum við áætlunina á framfæri við stjórnendur grunnskólans.     Bókun fundar Til máls tók S. Guðrún Hauksdóttir.

    Afgreiðsla 66. fundar Fræðslu- og frístundanefndar staðfest á 170. fundi bæjarstjórnar með 7 atkvæðum.
  • .2 1901080 Gjaldskrá íþróttamiðstöðva 2019
    Fræðslu- og frístundanefnd Fjallabyggðar - 66. fundur - 22. janúar 2019 Haukur Sigurðsson forstöðumaður íþróttamiðstöðvar sat undir þessum lið.

    Fræðslu- og frístundanefnd leggur til að gjaldskrá íþróttamiðstöðva verði skýrð þannig að fram komi til hvaða hóps skólaafsláttur vegna aðgangs að líkamsrækt nái. Nefndin leggur til að afsláttur eigi við um nemendur í 75% námi og nemendur í Grunnskóla Fjallabyggðar.

    Vakin er athygli á því að með keyptum aðgangi í rækt fylgir aðgangur að sundlaug. Fræðslu- og frístundanefnd leggur til við bæjarráð að bætt verði við gjaldskrá liðnum „Handklæði, sundföt og sund“ kr. 2000.

    Einnig skal eftirtöldum texta bætt við neðanmáls í gjaldskrá:
    Börn yngri en 12 ára fá ekki aðgang að líkamsræktinni. Börn og unglingar á aldrinum 12-13 ára þurfa að vera í fylgd með þjálfara eða öðrum fullorðnum ábyrgðarmanni. 14 ára börn geta farið án ábyrgðarmanns í líkamsræktina. Í öllum tilvikum er miðað við upphaf árs (ekki við afmælisdaga).
    Breytingin taki gildi 1. febrúar 2019.

    Bókun fundar Til máls tóku S. Guðrún Hauksdóttir og Nanna Árnadóttir.

    Afgreiðsla 66. fundar Fræðslu- og frístundanefndar staðfest á 170. fundi bæjarstjórnar með 7 atkvæðum.

    Bæjarstjórn samþykkir samhljóða fullnaðarafgreiðslu á gjaldskrá með 7 atkvæðum.
  • .3 1804004 Heilsueflandi samfélag - staðan og næstu skref
    Fræðslu- og frístundanefnd Fjallabyggðar - 66. fundur - 22. janúar 2019 Stýrihópur um heilsueflandi samfélag lagði til á 6. fundi sínum við fræðslu- og frístundanefnd að boðið yrði upp á opna tíma í líkamsrækt með leiðbeinanda líkt og gert var í janúar á síðast ári.

    Fræðslu- og frístundanefnd felur forstöðumanni íþróttamiðstöðva að finna hentugan tíma, leiðbeinendur og leggja fyrir fræðslu- og frístundanefnd.

    Fræðslu- og frístundanefnd óskar eftir umsögn félagsþjónustunnar um með hvaða hætti er hægt að koma til móts við eldri borgara og öryrkja með leiðsögn í líkamsræktina. Umsögnin skal lögð fyrir á næsta fundi nefndarinnar.     Bókun fundar Til máls tók S. Guðrún Hauksdóttir.

    Afgreiðsla 66. fundar Fræðslu- og frístundanefndar staðfest á 170. fundi bæjarstjórnar með 7 atkvæðum.
  • .4 1811079 Samningar um afslátt af líkamsræktarkortum
    Fræðslu- og frístundanefnd Fjallabyggðar - 66. fundur - 22. janúar 2019 Á 64.fundi, 10. desember sl. lagði fræðslu- og frístundanefnd til við bæjarráð að útkallssveit björgunarsveitanna Tinds og Stráka, að hámarki 6 einstaklingar í hvorri sveit fái árskort í líkamsræktarstöðvum íþróttamiðstöðvanna með 50% afslætti. Athugasemdir bárust frá björgunarsveitinni Strákum um fjölda einstaklinga. Ósk kom um að fjölga einstaklingum sem möguleika eiga á afslætti upp í 13 frá hvorri björgunarsveit. Fræðslu- og frístundanefnd samþykkir það fyrir sitt leyti. Afsláttur rúmast innan fjárhagsáætlunar 2019. Bókun fundar Tómas Atli Einarsson vék undir þessum lið af fundi.

    Til máls tók S. Guðrún Hauksdóttir.

    Afgreiðsla 66. fundar Fræðslu- og frístundanefndar staðfest á 170. fundi bæjarstjórnar með 6 atkvæðum.
  • .5 1611062 Frístundastyrkir Fjallabyggðar - reglur
    Fræðslu- og frístundanefnd Fjallabyggðar - 66. fundur - 22. janúar 2019 Endurskoðaðar reglur um frístundastyrki Fjallabyggðar lagðar fram til kynningar. Frístundastyrkur til barna á aldrinum 4-18 ára er kr. 32.500 fyrir árið 2019.
    Fræðslu- og frístundanefnd samþykkir breytingar á reglum.
    Bókun fundar Afgreiðsla 66. fundar Fræðslu- og frístundanefndar staðfest á 170. fundi bæjarstjórnar með 7 atkvæðum.
  • .6 1808085 NorðurOrg 2019
    Fræðslu- og frístundanefnd Fjallabyggðar - 66. fundur - 22. janúar 2019 NorðurOrg, söngkeppni félagsmiðstöðva á Norðurlandi og undankeppni Söngkeppni Samfés fer fram í íþróttahúsinu í Ólafsfirði föstudaginn 25. janúar nk. Deildarstjóri fræðslu-, frístunda- og menningarmála kynnti fyrirkomulag og framkvæmd keppninnar. Bókun fundar Afgreiðsla 66. fundar Fræðslu- og frístundanefndar staðfest á 170. fundi bæjarstjórnar með 7 atkvæðum.
  • .7 1901078 Styrkur til fyrirlestra og námskeiða
    Fræðslu- og frístundanefnd Fjallabyggðar - 66. fundur - 22. janúar 2019 Fræðslu- og frístundanefnd óskar eftir að Þórarinn Hannesson komi á næsta fund nefndarinnar með hugmyndir að útfærslu á fræðsluerindum sem fræðslu- og frístundanefnd styrkti að upphæð kr. 80.000. Hugmynd Þórarins er að halda fræðsluerindi fyrir ýmsa hópa í samfélaginu. Bókun fundar Afgreiðsla 66. fundar Fræðslu- og frístundanefndar staðfest á 170. fundi bæjarstjórnar með 7 atkvæðum.