Deiliskipulag frístundabyggðar á Ytri-Gunnólfsá II

Lögð fram tillaga að deiliskipulagi frístundabyggðar við Ytri-Gunnólfsá II í Ólafsfirði, dagsett 5.10.2018. Gert er ráð fyrir 15 frístundahúsum innan svæðisins og er tillagan unnin í samræmi við breytingu á aðalskipulagi Fjallabyggðar 2008-2028.

Lögð fram að nýju deiliskipulagstillaga frístundabyggðar á Ytri-Gunnólfsá II sem auglýst var frá 20. desember til 15. febrúar 2019 í samræmi við 41.gr. skipulagslaga nr. 123/2010. Umsagnir bárust frá Norðurorku, Minjastofnun, Umhverfisstofnun, Vegagerðinni, Veðurstofunni og atvinnuvega- og nýsköpunarráðuneyti. Eftir auglýsingu voru gerðar eftirfarandi breytingar: Í kaflanum um fornminjar er nr. á skráðum minjum breytt í samræmi við deiliskráningu á skipulagssvæðinu og útlínur þeirra og punktar vegna heimilda um minjar sýndar á uppdrætti. Í kaflanum um veitur er tenging við hitaveitu Norðurorku felld út.